ସମ୍ବଲପୁର: ସମ୍ବଲପୁରରେ ବିଗତ 3 ଦିନ ମଧ୍ୟରେ 2 ଥର କାଳ ବୈଶାଖୀ ବର୍ଷା ହୋଇଛି । ଏହା ଦ୍ୱାରା ସମ୍ବଲପୁର ଜିଲ୍ଲାର ବିଭିନ୍ନ ବ୍ଲକରେ ଅମଳକ୍ଷମ ରବି ଧାନ ନଷ୍ଟ ହୋଇଥିବା ଅଭିଯୋଗ ହୋଇଛି ।
ସମ୍ବଲପୁର ଜିଲ୍ଲାର ଧନକାଉଡା, ରେଙ୍ଗାଲି, ମାନେଶ୍ୱର, ଯୁଜୁମୁରା, ନାକଟିଦେଉଳ, ହୀରାକୁଦ ଅଞ୍ଚଳରେ ରବି ଧାନ ଅମଳକ୍ଷମ ହୋଇଥିବା ବେଳେ 2 ଦିନ ହେଲା କାଳ ବୈଶାଖୀ ବର୍ଷା ଯୋଗୁଁ ବହୁ ଧାନ ନଷ୍ଟ ହୋଇଥିବା ଜଣାପଡିଛି ।
ତେବେ କ୍ଷତିଗ୍ରସ୍ତ ଚାଷୀ ଲିଖିତ ଭାବେ ଏନେଇ ତଥ୍ୟ ଜିଲ୍ଲା କୃଷି ବିଭାଗକୁ ପ୍ରଦାନ କଲେ ଜିଲ୍ଲା ପ୍ରଶାସନ ପକ୍ଷରୁ ଫସଲ ବୀମା ଦ୍ୱାରା କ୍ଷତି ପୂରଣର ବ୍ୟବସ୍ଥା କରାଯିବ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
ତେବେ ବର୍ତ୍ତମାନ ସୁଦ୍ଧା କେତେ ପରିମାଣର ଫସଲ ହାନୀ ହୋଇଛି ତାହା ଜିଲ୍ଲା ପ୍ରଶାସନର ହସ୍ତଗତ ହୋଇ ନାହିଁ । କ୍ଷତିଗ୍ରସ୍ତ ଚାଷୀଙ୍କ କ୍ଷତି ପୂରଣ ନେଇ ଅଭିଯୋଗ ଆସିବା ପରେ ତାହାକୁ ଆକଳନ କରାଯିବ ବୋଲି କୃଷି ବିଭାଗ ପକ୍ଷରୁ କୁହାଯାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
