ସମ୍ବଲପୁର: ଦୁଇଦିନ ପରେ ଚେତିଲା ପ୍ରଶାସନ । ଶାସନ ସ୍ଥିତ ଘରୋଇ କଲେଜ ଛାତ୍ର ନିର୍ଯ୍ୟାତନା ଘଟଣାର 3 ଜଣ ନାବାଳକ ଅଭିଯୁକ୍ତଙ୍କୁ ଗୁରୁବାର ଜିଲ୍ଲା ଜୁଭେନାଇଲ କୋର୍ଟରେ ପୋଲିସ ହାଜର କରିଛି। ଅନ୍ୟ ଜଣେ ଅଭିଯୁକ୍ତ ଫେରାର ଥିବା ଜଣାପଡିଛି।
ତିନି ଛାତ୍ରଙ୍କୁ କୋର୍ଟରେ ହାଜର କରିଥିବା ବେଳ ଫେରାର ଥିବା ଛାତ୍ର ତାକୁ ସମନ ଜାରି କରାଯାଇଛି । ଗତ ଶନିବାର ରାତିରେ ଶାସନ ସ୍ଥିତ ଘରୋଇ କଲେଜରେ ଜଣେ ଛାତ୍ରଙ୍କୁ ଆକ୍ରମଣ ହୋଇଥିଲା । ଛାତ୍ରଙ୍କର 4ଜଣ ସହପାଠୀ ତାଙ୍କୁ ନିସ୍ତୁକ ମାଡ଼ ମାରିଥିଲେ । ତେଵେ ନିର୍ଯ୍ୟାତିତ ଛାତ୍ରଙ୍କ ପରିବାର ଲୋକ ଏ ଘଟଣା ସମ୍ପକରେ ଜାଣିବା ପରେ ଶାସନ ଥାନାରେ ଅଭିଯୋଗ କରିଥିଲେ । ପରେ ପରିବାର ଲୋକେ ପୀଡିତ ଛାତ୍ରଙ୍କ ସହ ସମ୍ବଲପୁର ଏସପିଙ୍କ ପାଖରେ ଅଭିଯୋଗ ମଧ୍ୟ କରିଥଲେ ।
ତେବେ ଏହି ଘଟଣାର ତଦନ୍ତ ପାଇଁ ଅତିରିକ୍ତ ଏସପିଙ୍କୁ ଦାୟିତ୍ବ ଦିଆଯାଇଥିଲା । ବୁଧବାର ପୋଲିସ କଲେଜକୁ ପହଞ୍ଚି ତଦନ୍ତ କରିଥିଲା । ପୋଲିସ ଗୁରୁବାର ସନ୍ଧ୍ୟାରେ ତିନି ଜଣ ଛାତ୍ରଙ୍କୁ ସମ୍ବଲପୁର ଜୁଭେନାଇଲ କୋର୍ଟରେ ହାଜର କରିଥିବା ବେଳେ ଜଣେ ଅଭିଯୁକ୍ତ ଛାତ୍ର ଫେରାର ଥିବା ସୂଚନା ମିଳିଛି । ଅନ୍ୟପଟେ କଲେଜ କର୍ତ୍ତୃପକ୍ଷଙ୍କ ବିରୁଦ୍ଧରେ ମଧ୍ୟ କାର୍ଯ୍ୟାନୁଷ୍ଠାନ ଦାବି ହୋଇଛି।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
