ସମ୍ବଲପୁର : ହାଇଦର ଫେରାର ଘଟଣାରେ ସମ୍ବଲପୁର ପୋଲିସ କନଷ୍ଟେଵଳ ମହମଦ ମୌସିମ ଓ ସମ୍ବଲପୁର ଜେଲ ଓ୍ବାଡର ଶିବ ନାରାୟଣ ନନ୍ଦଙ୍କୁ ଗିରଫ କରିଛି କମିଶନରେଟ ପୋଲିସ । ଦୁହିଁକୁ ମଙ୍ଗଳାବାଗ ଥାନା ପୋଲିସ ଗିରଫ କରିବା ପରେ ପ୍ରତିକିୟା ରଖିଛନ୍ତି ସମ୍ବଲପୁର ସର୍କଳ ଜେଲର ଜେଲର ଆଲୋକ କର ।
ଆଲୋକ କହିଛନ୍ତି ଯେ ମଙ୍ଗଳବାଗ ପୋଲିସ ତରଫରୁ ସମ୍ବଲପୁର ଜେଲର ଓ୍ବାଡର ଶିବନାରାୟଣ ନନ୍ଦ ଗିରଫ ହୋଇଥିବା ସମ୍ବଲପୁର ଜେଲ କର୍ତ୍ତୃପକ୍ଷଙ୍କୁ ସୂଚନା ଦିଆଯାଇଛି । ଆଜି ମଙ୍ଗଳବାଗ ଥାନାର ଏକ 2 ଜଣିଆ ଟିମ ସମ୍ବଲପୁର ସର୍କଲ ଜେଲକୁ ଆସି ପରିଦର୍ଶନ କରିବା ସହ ହାଇଦର ରହଣି ନେଇ ପଚରାଉଚରା କରିଛନ୍ତି । ଏହାସହ ହାଇଦର ସ୍ଵାସ୍ଥ୍ୟଗତ ସମସ୍ୟା ନେଇଥିବା ବିଭିନ୍ନ କାଗଜ ପତ୍ର ମଧ୍ୟ ନେଇଛନ୍ତି । ଜେଲ ଓ୍ଵାର୍ଡର ଶିବ ନାରାୟଣ ନନ୍ଦ ଗିରଫ ହେବା ପୂର୍ବରୁ ତାଙ୍କ ବିରୋଧରେ ଜେଲ କର୍ତ୍ତୃପକ୍ଷ ବିଭାଗୀୟ କାର୍ଯ୍ୟାନୁଷ୍ଠାନ ମଧ୍ୟ ନେଇ ସାରିଛନ୍ତି । ବର୍ତ୍ତମାନ ଏହାର ତଦନ୍ତ ଜାରି ରହିଛି ବୋଲି ସମ୍ବଲପୁର ସର୍କଲ ଜେଲର ଜେଲର ଆଲୋକ କର କହିଛନ୍ତି । ଏହାସହ ଜେଲ କର୍ତ୍ତୃପକ୍ଷ ହାଇଦର ଫେରାର ପ୍ରସଙ୍ଗରେ ପୂର୍ଵରୁ ଆଉ ଜଣେ ଓ୍ବାଡର ସୁଧିର ସାହୁଙ୍କୁ ନିଲମ୍ବିତ କରିଛନ୍ତି।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
