ସମ୍ବଲପୁର: କଳା ବ୍ୟାଚ ପରିଧାନ କରି ଚାଷୀଙ୍କ ପ୍ରତିବାଦ। ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡର ଚାଷୀ 2018 ବର୍ଷର ବୀମା ରାଶି ଆଜି ପର୍ଯ୍ୟନ୍ତ ମିଳିନଥିବାରୁ ସାଧାରଣତନ୍ତ୍ର ଦିବସରେ ଚାଷୀମାନେ କଳା ବ୍ୟାଚ ପରିଧାନ କରି ପ୍ରତିବାଦ କରିଛନ୍ତି।
ସମ୍ବଲପୁର ଜିଲ୍ଲାର କୁଚିଣ୍ଡା ଉପଖଣ୍ଡ ଚାଷୀଙ୍କ ୨୦୧୮ ଖରିଫ ଫସଲବୀମା ବକେୟା ରାଶି ଦାବିରେ କୁଚିଣ୍ଡା ଉପଖଣ୍ଡର ଚାଷୀ ଦୀର୍ଘ ଦିନ ଧରି ଆନ୍ଦୋଳନ ଜାରି ରଖିଥିବା ବେଳେ, ଗତ ୭ ତାରିଖରେ ସମ୍ବଲପୁର ଜିଲ୍ଲାପାଳଙ୍କ ଅଧ୍ୟକ୍ଷତାରେ ହୋଇଥିବା ତ୍ରିପାକ୍ଷିକ ଆଲୋଚନାର ପ୍ରତିଶୃତି ପରେ ମଧ୍ୟ ଚାଷୀ ଫସଲବୀମା ପାଇବା ପ୍ରତି ଭରଷା କରି ପାରୁନଥିବା ଜଣାଯାଇଛି । ଆଲୋଚନା ମୁତାବକ ୧୫ ତାରିଖ ସୁଦ୍ଧା ଫସଲ କ୍ଷୟକ୍ଷତିର ବୈଷୟିକ ରିପୋର୍ଟ ସର୍ବସାଧାରଣରେ ପ୍ରକାଶିତ କରି ୨୨ତାରିଖରୁ ସିଧାସଳଖ ଚାଷୀଙ୍କ ଆକାଉଣ୍ଟରେ ବୀମା ରାଶି ପ୍ରଦାନ କରାଯିବ ବୋଲି ପ୍ରତିଶୃତି ଦେଇଥିଲେ ଜିଲ୍ଳାପାଳ।
ତେବେ ପ୍ରତିଶୃତି ପାଳନ ହୋଇନଥିବାରୁ ଅସନ୍ତୋଷ ପ୍ରକାଶ କରି ଚାଷୀମାନେ ଆଜି କୁଚିଣ୍ଡା ଉପଖଣ୍ଡର ବାମରା, କୁଚିଣ୍ଡା ଓ ଜମନକିରା ବ୍ଳକରେ ୭୧ ତମ ସାଧରଣତନ୍ତ୍ର ଦିବସରେ କଳା ବ୍ୟାଚ ପରିଧାନ କରି ବିକ୍ଷୋଭ ପ୍ରଦର୍ଶନ କରିଛନ୍ତି। ଆଗକୁ ମଧ୍ୟ ଏହି ଭଳି ଆନ୍ଦୋଳନ ଜାରି ରହିବ ବୋଲି ଚାଷୀ ସଂଗଠନ ପକ୍ଷରୁ କୁହାଯାଇଛି।
ସମ୍ବଲପୁରରୁ ବାଦଶାହା ଜୁସ୍ମନ ରାଣା, ଇଟିଭି ଭାରତ
