ସମ୍ବଲପୁର: ମୁମ୍ବାଇ-କୋଲକାତା ରାଜରାସ୍ତାର ସମ୍ବଲପୁର ସିନ୍ଦୁର ପଙ୍କ ଛକରେ ମର୍ମନ୍ତୁଦ ସଡକ ଦୁର୍ଘଟଣା। ସ୍କୁଟିକୁ ଧକ୍କା ଦେଲା ମାଲବାହୀ ଟ୍ରକ । ଟ୍ରକ ଚକ ତଳେ ଚାପି ହୋଇ ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବାବେଳେ, ଅନ୍ୟଜଣଙ୍କୁ ଗୁରୁତରଙ୍କୁ ବୁର୍ଲା ସ୍ଥାନାନ୍ତର କରାଯାଇଥିଲା । ହେଲେ ମେଡିକାଲରେ ତାଙ୍କର ମୃତ୍ୟୁ ହୋଇଛି ।
ସୂଚନା ଅନୁସାରେ, ଆଜି(ଗୁରୁବାର) ଦିନ ୧.୩୦ରୁ ୨ଟା ମଧ୍ୟରେ ସିନ୍ଦୁରପଙ୍କ ଅଂଚଳରେ ସ୍କୁଟିରେ ଆସୁଥିବା ଦୁଇଜଣ ଯୁବକ ଟ୍ରକ ଚକ ତଳକୁ ପଶିଯାଇଥିଲେ । ଫଳରେ ଟ୍ରକ ଡ୍ରାଇଭର ନିଜେ ପୋଲିସକୁ ଫୋନ କରିବା ସହ ଆହତଙ୍କୁ ବୁର୍ଲା ପଠାଇବାରେ ସହଯୋଗ କରିଥିଲେ। ଟ୍ରକଟି କଲିକତାରୁ ସମ୍ବଲପୁର ଆସୁଥିଲା । ମୃତ ଓ ଆହତ ଯୁବକଙ୍କ ପରିଚୟ ମିଳିପାରିନି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରାଣା, ଇଟିଭି ଭାରତ
