ସମ୍ବଲପୁର: ଧାନ କ୍ରୟ ନେଇ ଦେଖାଦେଇଛି ଅନିଶ୍ଚିତତା । ସମ୍ବଲପୁରରେ ଚାଷୀଙ୍କ ଅନଶନ 22ତମ ଦିନରେ ପହଞ୍ଚିଛି । ଫସଲ ବୀମା ସମସ୍ୟା ନେଇ ଏହି ଆନ୍ଦୋଳନ ଆଜି 22 ଦିନରେ ପହଞ୍ଚିଥିବା ବେଳେ ଆଜି ପର୍ଯ୍ୟନ୍ତ ଜିଲ୍ଲା ପ୍ରଶାସନର କୌଣସି ଅଧିକାରୀ ସମସ୍ୟାର ସମାଧାନ ନେଇ ଚାଷୀଙ୍କ ସହ ଆଲୋଚନା କରିନାହାଁନ୍ତି ।
ଦୀର୍ଘଦିନ ହେଲା ଚାଷୀ ମାନେ ଆନ୍ଦୋଳନ କରି ଆସୁଛନ୍ତି । ଆସନ୍ତା 15 ତାରିଖରୁ ସମ୍ବଲପୁର ଉପଖଣ୍ଡରେ ଧାନ କ୍ରୟ ପ୍ରକ୍ରିୟା ଆରମ୍ଭ ହେବ ବୋଲି ଘୋଷଣା କରାଯାଇଛି । ଚଳିତ ବର୍ଷ ଚାଷୀମାନେ ସରକାରଙ୍କ ଟୋକନ ବ୍ୟଵସ୍ଥାକୁ ବିରୋଧ କରୁଥିବାରୁ ଧାନ କ୍ରୟ ନେଇ ଅନିଶ୍ଚିତତା ଦେଖାଦେଇଛି । ପୂର୍ବ ବର୍ଷ ପରି ପାରମ୍ପରିକ ଢାଞ୍ଚାରେ ଧାନ ବିକ୍ରୟ କରିବେ ବୋଲି ଚାଷୀ ସ୍ପଷ୍ଟ କରିଛନ୍ତି।
ବିଜେପି ନେତା ତଥା ବରଗଡ ସାଂସଦ ସୁରେଶ ପୂଜାରୀ ଚାଷୀଙ୍କ ଆନ୍ଦୋଳନସ୍ଥଳକୁ ଯାଇ ସବୁ ଦୋଷ ରାଜ୍ୟ ସରକାରଙ୍କ କୃଷି ନୀତିକୁ ଦେଇଛନ୍ତି। ଏମିତି ପରିସ୍ଥିତି ଜାରି ରହିଲେ ଚଳିତ ବର୍ଷ ଧାନ କ୍ରୟ କିପରି ହେବ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ସମ୍ବଲପୁରରୁ ବାଦଶାହା ଜୁସ୍ମନ ରାଣା,ଇଟିଭି ଭାରତ
