ସମ୍ବଲପୁର: ନିଜ ମା'କୁ ପୁଅ ନିର୍ଯାତନା ଦେଉଥିବାର ଅଭିଯୋଗ । ନିଜ ଜନ୍ମ କଲା ପୁଅ ନିଜର ମା'ଙ୍କୁ ବିଭିନ୍ନ ପ୍ରକାରର ନିର୍ଯାତନା ଦେଉଥିବାର ସମ୍ବଲପୁର ଏସପିଙ୍କ ଠାରେ ଅଭିଯୋଗ ହୋଇଛି ।
ସମ୍ବଲପୁର ଜିଲ୍ଲା ସଦର ଥାନା ଅନ୍ତର୍ଗତ ଦଣ୍ଡେଇପାଲିର ସୁବାଷ ସାହାଣୀ ନାମକ ଜଣେ ଯୁବକ ନିଜର ମା' ପ୍ରେମ ମଞ୍ଜରୀ ସାହାଣୀଙ୍କୁ ମାନସିକ ଓ ଶାରୀରିକ ନିର୍ଯାତନା ଦେବା ସହ ହତ୍ୟା ଧମକ ଦେଉଥିବାର ଅଭିଯୋଗ ହୋଇଛି ।
ମା'-ଭଉଣୀକୁ ନିର୍ଯ୍ୟାତନା ଦେଉଛି ଜନ୍ମ କଲା ପୁଅ, ଏସପିଙ୍କ ଦ୍ୱାରସ୍ଥ ହେଲେ ମା' ଦଣ୍ଡେଇପାଲିର ପ୍ରେମ ମଞ୍ଜରୀ ସାହାଣୀ ନାମକ ଜଣେ ବରିଷ୍ଠ ମହିଳା ସମ୍ବଲପୁର ଏସପିଙ୍କ ଠାରେ ନିଜ ପୁଅ ବିରୁଦ୍ଧରେ ଏସପିଙ୍କ ଦ୍ୱାରସ୍ଥ ହୋଇଛନ୍ତି । ସେ କହିଛନ୍ତି ଯେ, ତାଙ୍କର ପୁଅ ସୁବାଷ ସାହାଣୀ ସେହି ଅଞ୍ଚଳରେ ବେଆଇନ ଭାବେ ଲୋକଙ୍କ ଧର୍ମାନ୍ତରୀକରଣ କରୁଛନ୍ତି । ଏହାସହ ସେ ପରିବାରର ସବୁତକ ଜମି ଜବରଦଖଲ କରିନେଇଛନ୍ତି । ଏହାକୁ ବିରୋଧ କରିବାରୁ ପୁଅ ତାଙ୍କୁ ନିର୍ଯାତନା ଦେଉଛନ୍ତି ବୋଲି ସେ ଅଭିଯୋଗ କରିଛନ୍ତି ।
ବର୍ତ୍ତମାନ ସେ ନିଜ ଝିଅ ଘରେ ରହୁଥିବା ବେଳେ ତାଙ୍କର ଝିଅକୁ ମଧ୍ୟ ବିଭିନ୍ନ ପ୍ରକାରର ନିର୍ଯାତନା ଦିଆଯାଉଥିବା ସେ ସମ୍ବଲପୁର ଏସପିଙ୍କ ଠାରେ ଅଭିଯୋଗ କରିଛନ୍ତି ।
ମା'-ଭଉଣୀକୁ ନିର୍ଯ୍ୟାତନା ଦେଉଛି ଜନ୍ମ କଲା ପୁଅ, ଏସପିଙ୍କ ଦ୍ୱାରସ୍ଥ ହେଲେ ମା' ଏନେଇ କିଛି ସ୍ଥାନୀୟ ସଚେତନ ନାଗରିକ ସହ ଯାଇ ସମ୍ବଲପୁର ଏସପିଙ୍କ ଦ୍ବାରସ୍ଥ ହେବା ସହ ସହାୟତା ମାଗିଛନ୍ତି ।
ସମ୍ବଲପୁରରୁ ବାଦଶାହ ଯୁଶ୍ମନ ରାଣା, ଇଟିଭି ଭାରତ
