ସମ୍ବଲପୁର: ଗତ ଜାନୁଆରୀ 31 ତାରିଖରେ ସମ୍ବଲପୁର ସଦର ଥାନା ଅନ୍ତର୍ଗତ ଗେଙ୍ଗୁଟିପାଲି ଅଞ୍ଚଳରେ ହୋଇଥିବା 15 ଲକ୍ଷ ଲୁଟ ଘଟଣାରେ ସମ୍ବଲପୁର ପୋଲିସ 2 ଅଭିଯୁକ୍ତଙ୍କୁ ଗିରଫ କରିଛି ।
ଗିରଫ ଅଭିଯୁକ୍ତ ମାନେ ହେଲେ ରାଘବ ଦାସ ଓ ପାର୍ବତୀ ଦାସ । ସମ୍ପର୍କରେ ଏହି 2 ଜଣ ମା’ ପୁଅ ହୋଇଥିବା ବେଳେ ଏମାନଙ୍କ ଘର ଗଞ୍ଜାମ ଜିଲ୍ଲା ଅନ୍ତର୍ଗତ ଭଞ୍ଜନଗର ଥାନା ଅଞ୍ଚଳରେ । ସେମାନଙ୍କ ଠାରୁ 4 ଲକ୍ଷ ଟଙ୍କା ଜବତ ହୋଇଛି । ତେବେ ଏହି ଲୁଟ ଘଟଣାରେ ଆଉ 3 ଅଭିଯୁକ୍ତ ଥିବାର ସୂଚନା ମିଳିଛି । ସେମାନଙ୍କୁ ପୋଲିସ ଧରିବାକୁ ଉଦ୍ୟମ କରୁଛି ବୋଲି ଏସପି ବାତୁଲା ଗଙ୍ଗାଧର ସୂଚନା ଦେଇଛନ୍ତି । ଆଜି ଜବତ ହୋଇଥିବା ଟଙ୍କାକୁ ଲୁଟର ଶିକାର ହୋଇଥିବା ବ୍ୟକ୍ତି ରାଜେଶ ସାହୁଙ୍କୁ ପ୍ରଦାନ କରାଯାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
