ସମ୍ବଲପୁର: ଜିଲ୍ଲାର ବୁର୍ଲା ମେଡ଼ିକାଲର 2 ଠିକା ସଫେଇ କର୍ମଚାରୀଙ୍କ ଉପରକୁ ଭୁଜାଲିରେ ମରଣାନ୍ତକ ଆକ୍ରମଣ ହୋଇଛି । ଚାକିରୀରୁ ଛଟେଇ ହେବା ପରେ ପୁନଃନିଯୁକ୍ତି ପାଇଁ କର୍ମଚାରୀମାନେ ଆନ୍ଦୋଳନ କରୁଥିବାବେଳେ ଆକ୍ରମଣ ହୋଇଥିଲା । ତେବେ ଘଟଣାସ୍ଥଳରେ ପହଞ୍ଚି ବୁର୍ଲା ପୋଲିସ ତଦନ୍ତ ଆରମ୍ଭ କରିଛି ବୋଲି ସୂଚନା ମିଳିଛି ।
ଏହି କର୍ମଚାରୀଙ୍କୁ ବୁର୍ଲା କୋଭିଡ ହସ୍ପିଟାଲରୁ ଛଟେଇ କରାଯାଇଥିଲା । ପରେ ସେମାନେ ପୁନଃ ନିଯୁକ୍ତି ଦାବିରେ ବୁର୍ଲା କୋଭିଡ ହସ୍ପିଟାଲ ଛକ ଅଞ୍ଚଳରେ ଆନ୍ଦୋଳନ କରୁଥିଲେ । ଏହି ସମୟରେ ୨ ଜଣ ସଫେଇ କର୍ମଚାରୀଙ୍କ ଉପରେ 2 ଜଣ ଦୁର୍ବୃତ୍ତ ଆସି ଭୁଜାଲିରେ ଆକ୍ରମଣ କରିଥିବା ଅଭିଯୋଗ ହୋଇଛି । ଆକ୍ରମଣରେ ଗୁରୁତର 2 ସଫେଇ କର୍ମଚାରୀମାନେ ହେଲେ ମନୋଜ ଡୁଙ୍ଗରି ଓ ଦୀନବନ୍ଧୁ କଲେତ।
ତେବେ ଉଭୟଙ୍କୁ ବୁର୍ଲା ମେଡ଼ିକାଲରେ ଭର୍ତ୍ତି କରାଯାଇଛି । ଏନେଇ ବୁର୍ଲା ଥାନାରେ ଏକ ଏତଲା ଦାଏର କରାଯାଇଛି । ବୁର୍ଲା ପୋଲିସ ଏନେଇ ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
