ସମ୍ବଲପୁର: ପୁଣି ରାଜ୍ୟରେ ଲଜ୍ଜା । ଜଣେ ନାବାଳିକା କଲେଜ ଛାତ୍ରୀଙ୍କୁ ଟେକିନେଇ ଜଙ୍ଗଲରେ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ସମ୍ବଲପୁର ଜିଲ୍ଲା ରେଢ଼ାଖୋଲ ଅଞ୍ଚଳରୁ ଆସିଛି ଏପରି ଅଭିଯୋଗ ।
ଏକୁଟିଆ ଘରକୁ ଫେରୁଥିବା ସମୟରେ ଜଣେ ନାବାଳିକାଙ୍କୁ ଜଙ୍ଗଲକୁ ଟେକି ନେଇ, ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଅଭିଯୁକ୍ତ ଯୁବକଙ୍କୁ ଥାନାରେ ଅଟକ ରଖି ପଚରା ଉଚରା କରୁଛି ପୋଲିସ । ତେବେ ପୀଡିତାଙ୍କ ଅଭିଯୋଗ ଅନୁଯାୟୀ, ସେ ଏକୁଟିଆ ଘରକୁ ଫେରୁଥିବା ସମୟରେ ବାଟରେ ବର୍ଷା ହୋଇଥିଲା । ଫଳରେ ସେ ଏକ ନିଛାଟିଆ ଜଙ୍ଗଲ ନିକଟରେ ଅଟକି ଯାଇଥିଲେ । ସେହି ରାସ୍ତାଦେଇ ପୁଟୁପାଲି ଗାଁର ସୁରେଶ ମହାକୁଡ଼ ତାଙ୍କୁ ଏକୁଟିଆ ଦେଖି, ଜଙ୍ଗଲ ଭିତରକୁ ଟେକି ନେଇ ବଳପୂର୍ବକ ଦୁଷ୍କର୍ମ କରିଛନ୍ତି । ଏନେଇ ପୀଡିତାଙ୍କ ବାପା ଚାରମାଳ ଥାନାରେ ଅଭିଯୋଗ କରିଛନ୍ତି ।
ଚାରମାଳ ପୋଲିସ ଅଭିଯୁକ୍ତ ସୁରେଶ ମହାକୁଡ଼କୁ ବଡମାଲ ଫାଣ୍ଡିରେ ଅଟକ ରଖି ପଚରାଉଚରା ଜାରି ରଖିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
