ସମ୍ବଲପୁର: କୋଇଲା ୱାଗନରେ ଲାଗିଲା ନିଆଁ । ଏଭଳି ଅଘଟଣ ଘଟିଛି ସମ୍ବଲପୁର ସିଟି ଷ୍ଟେସନରେ କୋଇଲା ୱାଗନରେ । ତେବେ ଘଟଣା ବିଷୟରେ ଖବର ପାଇ ସଙ୍ଗେ ସଙ୍ଗେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା ସମ୍ବଲପୁର
ଖବର ଅନୁଯାୟୀ, ସମ୍ବଲପୁର ସିଟି ଷ୍ଟେସନରେ ଶୁକ୍ରବାର ରାତିରୁ ଏକ ଟ୍ରେନ ଅଟକିଥିଲା । ହେଲେ ଆଜି ଦିନ ପ୍ରାୟ ସାଢ଼େ 12 ଟା ସମୟରେ ଏକ ୱାଗନରେ ନିଆଁ ଲାଗିଥିବାର କିଛି ଶ୍ରମିକ ଦେଖିଥିଲେ । ପ୍ରଥମେ ସେମାନେ ନିଆଁକୁ ଲିଭାଇବାକୁ ଚେଷ୍ଟା କରିଥିଲେ କିନ୍ତୁ ସେମାନେ ବିଫଳ ହେବାରୁ ଅଗ୍ନିଶମ ବିଭାଗକୁ ଖବର ଦେଇଥିଲେ।
ଏହାପରେ ଅଗ୍ନିଶମ ବିଭାଗ ପହଞ୍ଚି ନିଆଁ ଲିଭାଇବା କାର୍ଯ୍ୟରେ ଲାଗିଥିଲେ । ଏହି ଅଗ୍ନିକାଣ୍ଡରେ ବିଶେଷ କ୍ଷୟକ୍ଷତି ହୋଇନଥିବା ବେଳେ ନିଆଁ ଲାଗିବାର କାରଣ ଅସ୍ପଷ୍ଟ ରହିଛି।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
