ସମ୍ବଲପୁର: ସମ୍ବଲପୁରରେ ହାଇକୋର୍ଟ ବେଞ୍ଚ ପ୍ରତିଷ୍ଠା ନେଇ ଗତକାଲି ଓକିଲ ସଂଘ ପକ୍ଷରୁ ଆନ୍ଦୋଳନ ହେଇଥିବା ବେଳେ ପୋଲିସର ଦୃଢ କାର୍ଯ୍ୟାନୁଷ୍ଠାନର ନିନ୍ଦା କରିଛନ୍ତି ସମ୍ବଲପୁର ବିଧାୟକ ତଥା ବିରୋଧୀ ଦଳର ନେତା ଜୟନାରାୟଣ ମିଶ୍ର । ହାଇକୋର୍ଟ ବେଞ୍ଚ ସ୍ଥାପନ ଆନ୍ଦୋଳନ ସହ ପୂର୍ଣ୍ଣ ସମର୍ଥନ ଥିବା କହିଛନ୍ତି ଜୟନାରାୟଣ ।
ଗତକାଲି(ବୁଧବାର) ସମ୍ବଲପୁରରେ ହାଇକୋର୍ଟ ବେଞ୍ଚ ସ୍ଥାପନ ନେଇ ଆନ୍ଦୋଳନ ଜାରି ରହିଥିବା ବେଳେ ଓକିଲ ଓ ପୋଲିସ ମଧ୍ୟରେ ଧସ୍ତାଧସ୍ତି ହୋଇଥିଲା । ଏହାକୁ ନିନ୍ଦା କରିଛନ୍ତି ବିରୋଧୀ ଦଳର ନେତା । ଗଣତାନ୍ତ୍ରିକ ଉପାୟରେ ଯେକୌଣସି ଆନ୍ଦୋଳନ ହେଲେ ପୋଲିସ ଚାପି ବାକୁ ଚେଷ୍ଟା କରିଥାଏ ବୋଲି କହିଛନ୍ତି ଜୟ ନାରାୟଣ ମିଶ୍ର । ତେବେ ଏହି ଆନ୍ଦୋଳନ ସହ ତାଙ୍କର ପୂର୍ଣ୍ଣ ସମର୍ଥନ ଥିବାର କହିଛନ୍ତି ବିରୋଧୀ ଦଳର ନେତା । ଏହି ପ୍ରସଙ୍ଗ ନେଇ ଆଗାମୀ ଦିନରେ ସେ ବିଧାନସଭାରେ ସ୍ୱର ଉତ୍ତୋଳନ କରିବେ ବୋଲି ସେ କହିଛନ୍ତି।
ତେବେ ଆଗାମୀ ଦିନରେ ରାଜ୍ୟ ସରକାର ଏହି ଦାବି ପ୍ରତି ଗମ୍ଭୀର ନହେଲେ ଏହି ଜନଆନ୍ଦୋଳନ ତୀବ୍ରତର ହେବ ବୋଲି ସେ କହିଛନ୍ତି ।
ଇଟିଭି ଭାରତ, ସମ୍ବଲପୁର
