ସମ୍ବଲପୁର: ସମ୍ବଲପୁରରେ ଜେସିବି ଚାଳକଙ୍କ ଆନ୍ଦୋଳନ । ଜେସିବି ଚାଳକମାନଙ୍କ ବିଭିନ୍ନ ସମସ୍ୟାର ସମାଧାନ ଦାବି ନେଇ ଶନିବାର ପଶ୍ଚିମ ଓଡ଼ିଶା ଜେସିବି ଚାଳକ ସଙ୍ଘ ପକ୍ଷରୁ ଆନ୍ଦୋଳନ କରାଯାଇଥିଲା । ଆନ୍ଦୋଳନକାରୀମାନେ ଏକ ଶୋଭାଯାତ୍ରା କରାଯିବା ସହ ଉତ୍ତରାଞ୍ଚଳ ଆରଡିସିଙ୍କ କାର୍ଯ୍ୟାଳୟ ଘେରାଉ କରିଥିଲେ ।
ଶନିବାର ପଶ୍ଚିମ ଓଡିଶା ଜେସିବି ଚାଳକ ସଙ୍ଘ ପକ୍ଷରୁ ଜେସିବି ଚାଳକ ମାନଙ୍କ ବିଭିନ୍ନ ସମସ୍ୟା ନେଇ ସମ୍ବଲପୁରରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏହି ଶୋଭାଯାତ୍ରା ସମ୍ବଲପୁର ପାନ୍ଥ ନିବାସରୁ ବାହାରି ଭିଏସଏସ ମାର୍ଗ, ଲକ୍ଷ୍ମୀ ଟକିଜ ଛକ, ଗୋଲବଜାର ଦେଇ ଉତ୍ତରାଞ୍ଚଳ ଆରଡିସିଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲେ । ସେଠାରେ ଆନ୍ଦୋଳନକାରୀ ମାନେ ପ୍ରତିବାଦର ନାରା ଦେଇଥିଲେ । ଏହା ପରେ ଆରଡ଼ିସିଙ୍କ ଜରିଆରେ ରାଜ୍ୟ ସରକାରଙ୍କ ଉଦ୍ଦେଶ୍ୟରେ ଏକ 13 ଦଫା ଦାବି ପତ୍ର ପ୍ରଦାନ କରିଥିଲା ।
୧୩ ଦଫା ଦାବିରେ ଜେସିବି ଚାଳକଙ୍କ ଆନ୍ଦୋଳନ
ଇଟିଭି ଭାରତ, ସମ୍ବଲପୁର
