ସମ୍ବଲପୁର: ଲାଇନଚ୍ୟୁତ ହେଲା ଜମ୍ବୁତାଇ ଟ୍ରେନ । ୱାସିଂ ଲାଇନ ପାଇଁ ଯାଉଥିବା ବେଳେ ଟ୍ରେନଟି ସାମାନ୍ୟ ଲାଇନଚ୍ୟୁତ ହୋଇଥିବା ଜଣାପଡ଼ିଛି। ଏଥିରେ କୌଣସି ପ୍ରକାର କ୍ଷତି ହୋଇନଥିବା ସୂଚନା ମିଳିଛି।
ଘଟଣା ମୁତାବକ ସମ୍ବଲପୁର ରେଳ ଷ୍ଟେସନରେ ଜମ୍ବୁ ତାଇ ଟ୍ରେନ ପହଞ୍ଚିବା ପରେ ସମସ୍ତ ଯାତ୍ରୀ ଓହ୍ଲାଇଥିଲେ । ଏହାପରେ ଟ୍ରେନଟି ୱାସିଂ ଲାଇନକୁ ସଫେଇ ପାଇଁ ଯାଇଥିଲା । ତେବେ ସେହି ସମୟରେ ଟ୍ରେନର ଦୁଇଟି ବଗି ସାମାନ୍ୟ ଲାଇନଚ୍ୟୁତ ହୋଇଥିଲା । ଏଥିରେ ବିଶେଷ କିଛି କ୍ଷତି ହୋଇନଥିବା ରେଳବାଇ ପକ୍ଷରୁ ସୂଚନା ମିଳିଛି । ଟେକନିକାଲ ଟିମ୍ ଯାଇ ଅତି କମ୍ ସମୟ ମଧ୍ୟରେ ଟ୍ରେନ ବଗିକୁ ପୁଣି ଲାଇନରେ ପୁନଃ ସ୍ଥାପନ କରିଛନ୍ତି।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
