ସମ୍ବଲପୁର: ଆଜି ସମ୍ବଲପୁରରେ ପୁରୁଷ ହକି ବିଶ୍ୱ କପର ଟ୍ରଫିକୁ ଭବ୍ୟ ସ୍ୱାଗତ ସମ୍ବର୍ଦ୍ଧନା କରାଯାଇଛି । ଆଜି ସମ୍ବଲପୁର ଜିଲ୍ଲା ପ୍ରଶାସନ ପକ୍ଷରୁ ଏଥିପାଇଁ ବିଭିନ୍ନ ସ୍ଥାନରେ ଭିନ୍ନଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହାସହ ଭବ୍ୟ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ସମ୍ବଲପୁରରେ ହକି ବିଶ୍ୱକପ ଟ୍ରଫିକୁ ଭବ୍ୟ ସ୍ୱାଗତ ସମ୍ବର୍ଦ୍ଧନା କରାଯାଇଛି । ଆଜି ସକାଳ ସାଢେ 6ଟାରେ ସମ୍ବଲପୁରର ମନ୍ଦଳିଆ ପଡ଼ିଆରୁ ଛାତ୍ରଛାତ୍ରୀମାନଙ୍କୁ ନେଇ ଏକ ମିନି ମାରାଥନ ଆୟୋଜିତ ହୋଇଥିଲା । ଏହାପରେ ଟ୍ରଫିକୁ ସମ୍ବଲପୁର ସମଲେଶ୍ୱରୀ ମନ୍ଦିରକୁ ଅଣାଯାଇ ଭାରତୀୟ ଦଳ ପାଇଁ ପ୍ରାର୍ଥନା କରାଯାଇଥିଲା । ପରେ ସମ୍ବଲପୁର "Four-C" ପଡିଆଠାରେ ଟ୍ରଫିକୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦିଯାଇଥିଲା । ଏଠାରେ ହକି ବିଶ୍ୱକପ ଟ୍ରଫିକୁ ସ୍ୱାଗତ କରିବା ଅବସରରେ ଗୋଟିଏ ପ୍ରଦର୍ଶନୀ ଫୁଟବଲ ଓ ଗୋଟିଏ ହକି ମ୍ୟାଚ ଆୟୋଜନ କରାଯାଇଥିଲା ।
ଏହି କାର୍ଯ୍ୟକ୍ରମରେ ସମ୍ବଲପୁର ଜିଲ୍ଲାପାଳ , ଏସପିଙ୍କ ସହ ସମ୍ବଲପୁର ଜିଲ୍ଲା ପ୍ରଶାସନ ବରିଷ୍ଠ ଅଧିକାରୀ ଓ ସହରର ବିଭିନ୍ନ ବର୍ଗର ଲୋକ ଓ ଛାତ୍ରଛାତ୍ରୀ ସାମିଲ ହୋଇଥିଲେ। ସମ୍ବଲପୁର ଜିଏମ ବିଶ୍ୱ ବିଦ୍ୟାଳୟରେ ମଧ୍ୟ ଟ୍ରଫିକୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ପରେ ରେଙ୍ଗାଲିରେ ଆୟୋଜିତ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ପରେ ଏହା ଝାରସୁଗୁଡା ଅଭିମୁଖେ ଯାଉଛି ।
ଇଟିଭି ଭାରତ, ସମ୍ବଲପୁର
