ସମ୍ବଲପୁର: ଆଗକୁ ପାର୍ବଣ ୠତୁ ଆସୁଥିବା ବେଳେ ସମ୍ବଲପୁର ମହାନଗର ନିଗମର ଖାଦ୍ୟ ସୁରକ୍ଷା ବିଭାଗର ଚଢାଉ । ଖାଦ୍ୟର ମାନ ଯାଞ୍ଚ କରିବା ସହ ଖାଦ୍ୟର ମାନ ଠିକ ନଥିଲେ ଫାଇନ କଟାଯାଉଛି। ଏହା ସହ ଖାଦ୍ୟର ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ଭୁବନେଶ୍ବର ଲ୍ୟାବକୁ ପଠାଯାଇଛି।
ବର୍ତ୍ତମାନ ସାରା ଦେଶର ବଡ଼ ବଡ଼ ସହରରେ ଇଟ ରାଇଟ କ୍ୟାମ୍ପେନ ଜାରି ରହିଥିବା ବେଳେ ଏଥିରେ ସମ୍ବଲପୁର ସହର ମଧ୍ୟ ରହିଛି । ଏହି କ୍ରମରେ ଖାଦ୍ୟ ନିରାପତ୍ତା ଆଇନ ବଳରେ ବର୍ତ୍ତମାନ ସମ୍ବଲପୁର ମହାନଗର ନିଗମର ଖାଦ୍ୟ ସୁରକ୍ଷା ବିଭାଗ ପକ୍ଷରୁ ସମ୍ବଲପୁର ସହରର ବିଭିନ୍ନ ହୋଟେଲ ,ରେଷ୍ଟୁରେଣ୍ଟ, କ୍ୟାଣ୍ଟିନ,ମିଠା ଦୋକାନ ଗୁଡିକ ଉପରେ ଚଢ଼ାଉ କରାଯିବା ସହ ଖାଦ୍ୟର ମାନ ଯାଞ୍ଚ କରାଯାଉଛି। ସମ୍ବଲପୁର ମହାନଗର ନିଗମର କମିଶନର ଓ ସମ୍ବଲପୁର ଜିଲ୍ଲା ସ୍ବାସ୍ଥ୍ୟ ଅଧିକାରୀଙ୍କ ନିର୍ଦ୍ଦେଶରେ ଖାଦ୍ୟ ସୁରକ୍ଷା ବିଭାଗ ଓ ମହାନଗର ନିଗମର ଏନଫୋର୍ସମେଣ୍ଟ ସ୍କାର୍ଡ ପକ୍ଷରୁ ମିଳିତ ଭାବେ ଚଢ଼ାଉ କରାଯାଉଛି। ବାସୀ ଖାଦ୍ୟ ମିଳିଲେ ଫାଇନ କଟାଯିବା ସହ ବିଭିନ୍ନ ପ୍ରକାରର ଖାଦ୍ୟ ସାମଗ୍ରୀର ନମୁନା ସଂଗ୍ରହ କରାଯାଇ ଭୁବନେଶ୍ବର ସ୍ଥିତ ବିଭାଗୀୟ ଲ୍ୟାବକୁ ପରୀକ୍ଷା ପାଇଁ ପଠାଯାଉଛି।
