ସମ୍ବଲପୁର: କୁଚିଣ୍ଡା ବାମରା ଅଞ୍ଚଳରେ ଏକ ମାଈ ହାତୀର ମୃତ୍ୟୁ । ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡ ବାମରା ବନ୍ୟପ୍ରାଣୀ ରେଞ୍ଜ ଅନ୍ତର୍ଗତ ସାନ ଫିଲିଙ୍ଗୀ ବାହାଲ ଚମ୍ପାପଡା ଜଙ୍ଗଲରେ ଏହି ମାଇ ହାତୀର ମୃତଦେହ ଠାବ ହୋଇଛି ।
ମାଈ ହାତୀର ମୃତ୍ୟୁ
କିଛି ସ୍ଥାନୀୟଲୋକ ପ୍ରଥମେ ହାତୀର ମୃତ୍ୟୁ ସମ୍ପର୍କରେ ଜାଣିବା ପରେ ବନ ବିଭାଗକୁ ସୂଚନା ଦେଇଥିଲେ । ବନ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ ମଧ୍ୟ ହାତୀ ମୃତ୍ୟୁର କାରଣ ଅଷ୍ପଷ୍ଟ ରହିଛି ।
ଧାନ ଫସଲ ଖାଇବାକୁ ଆସିଥିବା ବେଳେ କାଦୁଅରେ ଗୋଡ ଫସି ଯିବାରୁ ହାତୀର ମୃତ୍ୟୁ ହୋଇଥିବା ବନ ବିଭାଗ ପ୍ରାଥମିକ ତଦନ୍ତରୁ ଅନୁମାନ କରୁଛି । ହାତୀର ମୃତଦେହ ବ୍ୟବଚ୍ଛେଦ ପରେ ପ୍ରକୃତ କାରଣ ଜଣାପଡିବ ବୋଲି କୁହାଯାଉଛି ।
ସମ୍ବଲପୁରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
