ବାହାଘରର ଦୀର୍ଘ 4 ବର୍ଷ ବିତିଯାଇଥିଲେ ମଧ୍ୟ ଶ୍ବଶୁରଘର ପକ୍ଷରୁ ଯୌତୁକ ଆଶା ରଖି ମହିଳା ଜଣଙ୍କୁ ତାଙ୍କ ସ୍ୱାମୀ ଶାରୀରିକ ଓ ମାନସିକ ନିର୍ଯାତନା ଦେଉଥିବାର ଅଭିଯୋଗ ଆଣିଛନ୍ତି। ଅଭିଯୋଗକାରୀ ମହିଳା ଜଣକ ହେଉଛନ୍ତି ଶୁଭଲକ୍ଷ୍ମୀ ଜେନା। ତାଙ୍କ ସ୍ୱାମୀ ଦିଲ୍ଲୀପ ଜେନା ଏପରି ନିର୍ଯାତନା ଦେଉଥିବା ସମ୍ବଲପୁର ମହିଳା ଥାନାରେ ସେ ଅଭିଯୋଗ କରିଛନ୍ତି।
ମହିଳାଙ୍କ କହିବା ଅନୁସାରେ, 4 ଜୁନ 2015 ମସିହାରେ ସେ ହୀରାକୁଦର ଦିଲ୍ଲୀପ ଜେନାଙ୍କୁ ବିବାହ କରିଥିଲେ। ତେବେ ବିବାହର 8 ଦିନ ପରେ ବିଭିନ୍ନ ସମୟରେ ତାଙ୍କୁ ଯୌତୁକ ପାଇଁ ନିର୍ଯାତନା ଶାଶୁଘର ଲୋକେ ଦେଉଥିବାର ଏତଲାରେ ଉଲ୍ଲେଖ ରହିଛି। ତେବେ ବର୍ତ୍ତମାନ ନିର୍ଯାତନାର ସୀମା ଟପିଯିବାରୁ ସେ ଆସି ସମ୍ବଲପୁର ମହିଳା ଥାନାରେ ଅଭିଯୋଗ କରିଛନ୍ତି।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
