ସମ୍ବଲପୁର: କମେଡିଆନ ଯୋଗେଶ ଜୋଜୋଙ୍କୁ କୋର୍ଟର ସମନ । ପାଣିନୀ ପ୍ରଜ୍ଞା ପ୍ରଡକ୍ସନ ସହ ଚୁକ୍ତିନାମା ଖିଲାପ କରିଥିବା ଅଭିଯୋଗରେ କୋର୍ଟ ଯୋଗେଶ ଜୋଜୋଙ୍କୁ ସମନ ଜାରି କରିଛନ୍ତି । ଏନେଇ ଅଭିଯୋଗକାରୀ ସମ୍ବଲପୁରୀ କଳାକାର ଓ ନିର୍ଦ୍ଦେଶକ ପାଣିନୀ ପ୍ରଜ୍ଞା ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
ଭିଡିଓ ସୌଜନ୍ୟ:ସମ୍ବାଦଦାତା,ସମ୍ବଲପୁର
ସୂଚନା ଅନୁସାରେ, ସମ୍ବଲପୁରୀ ନିର୍ଦ୍ଦେଶକ ପାଣିନୀ ପ୍ରଜ୍ଞା ପ୍ରଡକ୍ସନ ହାଉସରେ କାମ କରିବାକୁ ଚୁକ୍ତିବଦ୍ଧ ହୋଇଥିଲେ ମଧ୍ୟ ଯୋଗେଶ ଚୁକ୍ତିନାମା ଖିଲାପ କରି ଅନ୍ୟତ୍ର କାମ କରୁଥିଲେ । ତେଣୁ ଏନେଇ ଅଭିଯୋଗ ଆଣିଛନ୍ତି ପାଣିନୀ ।
କୋର୍ଟରେ ସେ ଏନେଇ ଅଭିଯୋଗ କରିବା ପରେ କୋର୍ଟ ଏପରି ସମନ ଜାରି କରିଥିବାର ପାଣିନୀ ସୂଚନା ଦେଇଛନ୍ତି। ଯୋଗେଶ ଚୁକ୍ତିନାମା ଖିଲାପି କରିବା ଦ୍ବାରା ତାଙ୍କର ଅନେକ କ୍ଷତି ହୋଇଥିବା କହିଛନ୍ତି ପାଣିନୀ।
ସମ୍ବଲପୁରରୁ ବାଦଶାହା ଜୁସ୍ମନ ରଣା,ଇଟିଭି ଭାରତ
