ସମ୍ବଲପୁର: ଉର୍ବଶୀ କରିଦେଲେ ଜିଲ୍ଲାରେ ଟ୍ରାଫିକ ଜାମ । ବଲିଉଡ ଅଭିନେତ୍ରୀ ଉର୍ବଶୀ ରୌତେଲା ଆସ ପହଁଞ୍ଚିଥିଲେ ସମ୍ବଲପୁରରେ । ଯାହାଙ୍କୁ ଦେଖିବା ପାଇଁ ବୁଢ଼ାରଜାରେ ଉଠିଥିଲା ଜନ ସମୁଦ୍ର । ତେବେ ମାତ୍ର କିଛି ସମୟରେ ଏତେ ଭିଡ ଜମିଥିଲା ଯେ କାବୁ କରିବା ପାଇଁ ପୋଲିସ ହୋଇଥିଲା ନାକେଦମ ।
ବୁଧବାର ସମ୍ବଲପୁର ଜିଲ୍ଲା ବୁଢ଼ାରାଜା ଅଞ୍ଚଳରେ ହଠାତ ହୋଇଗଲା ଟ୍ରାଫିକ ଜାମ । ଦେଖୁଦେଖୁ ମୁଖ୍ୟ ସଡ଼କ ଉପରେ ଜମି ଗଲେ ହଜାର ହଜାର ଲୋକ । ପୋଲିସ ମଧ୍ୟ ଭିଡ ନିୟନ୍ତ୍ରଣ କରିବା ପାଇଁ ନୟାନ୍ତ ହୋଇପଡିଥିଲା । ଏହାର କାରଣ ଥିଲା ବୁଢ଼ାରାଜା ଅଞ୍ଚଳରେ ଏକ ନୁଆ ସୋ ରୁମକୁ ଉଦଘାଟନ କରିବାକୁ ସମ୍ବଲପୁର ଆସିଥିଲେ ବଲିଉଡ ଅଭିନେତ୍ରୀ ଉର୍ବଶୀ ରୌତେଲା । ତାଙ୍କର ଟିକିଏ ଝଲକ ଦେଖିବାକୁ ଲୋକଙ୍କ ଏତେ ଗହଳି ହୋଇଗଲା ଯେ ଉର୍ବଶୀ ନିଜ କାରରୁ ବାହାରି ସୋ ରୁମକୁ ଆସି ପାରୁନଥିଲେ। ପ୍ରାୟ ଏକ ଘଣ୍ଟା ଧରି ହୋଇଗଲା ଟ୍ରାଫିକ ଜାମ ।
ଉର୍ବଶୀ ଗାନ୍ଧୀ ଜୟନ୍ତୀ ନେଇ ବଲିଉଡ ପକ୍ଷରୁ ଦେଶବାସୀଙ୍କୁ ଶୁଭେଚ୍ଛା ଜଣାଇଥିଲେ । ଏହା ସହ ଆମ ଦେଶ ଉନ୍ନତି ପଥରେ ଅଛି ଓ ଆମ ଦେଶ ପାଇଁ ଜାତୀୟ ପିତା ମହାତ୍ମା ଗାନ୍ଧୀ ଯାହା କରିଛନ୍ତି ତାକୁ ସବୁବେଳେ ଆମେ ମନେ ରଖିବା ଉଚିତ ବୋଲି କହିଥିଲେ ଉର୍ବଶୀ । ନିଜ ଅପକମିଙ୍ଗ ଫିଲ୍ମ ଓ ରିଲିଜ ହୋଇଥିବା ଫିଲ୍ମ ବାବଦରେ ମଧ୍ୟ ସୂଚନା ଦେଇଥିଲେ ସେ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
