ସମ୍ବଲପୁର: ବିପଦରେ ଗଜରାଜ । ନାକଟିଦେଉଳ ରେଞ୍ଜରେ ଦନ୍ତାହାତୀ ମୃତ୍ୟୁ ହେବାର 2ଦିନ ନ ପୂରୁଣୁ ବଡମାଲ ରେଞ୍ଜରେ ପୁଣି ଏକ ଦନ୍ତାହାତୀର ମୃତ୍ୟୁ ଘଟିଛି ।
ଅସୁରକ୍ଷିତ ଗଜରାଜ
ମୃତ ହାତୀର ବୟସ ପ୍ରାୟ 30 ରୁ 35 ବର୍ଷ ବୋଲି ଅନୁମାନ କରାଯାଉଛି । ଦୀର୍ଘ ଦିନରୁ ହାତୀଟି ଆନ୍ଥ୍ରାକ୍ସରେ ପୀଡିତ ଥିଲା । ଏଥିପାଇଁ ତାର ମୃତ୍ୟୁ ହୋଇଥିବା ରେଢାଖୋଲ ଡିଏଫଓ ସଂଗ୍ରାମ କେଶରୀ ବେହେରା ସୂଚନା ଦେଇଛନ୍ତି । ତେବେ ଦନ୍ତାଟି ଆନ୍ଥ୍ରାକ୍ସରେ ପୀଡିତ ଥିବାରୁ ମୃତଦେହର କିଛି ଅଂଶ ଭୁବନେଶ୍ବର ପଠାଯିବା ପରେ ବାକି ଅଂଶକୁ ପୋତିବା ବଦଳରେ ପୋଡି ଦିଆଯାଇଛି । 2ଦିନ ମଧ୍ୟରେ 2ଟି ଦନ୍ତାର ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
