ସମ୍ବଲପୁର: କୋରୋନାକୁ ହରାଇଲେ ସମ୍ବଲପୁରର 90 ବର୍ଷୀୟ ମହିଳା । ସମ୍ବଲପୁର ଦେଲେଇପଡା ସାନ ସଡକ ଅଞ୍ଚଳ ର 90 ବର୍ଷୀୟ ସେହନାଜ ବେଗମ କୋରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି। ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ କରି ତାଙ୍କୁ ଅଭିନନ୍ଦନ ଜଣାଇଛନ୍ତି।
ଗତମାସ 16 ତାରିଖରେ ଜ୍ଵର ହେବାରୁ ତାଙ୍କର କୋଭିଡ ପରୀକ୍ଷା ହୋଇଥିଲା । 2 ଦିନ ପରେ 18 ତାରିଖରେ ତାଙ୍କର କୋଭିଡ ପଜିଟିଭ ଆସିଥିଲା । ଏହାପରେ ତାଙ୍କୁ ହୋମ ଆଇସୋଲେସନରେ ରଖା ଯାଇଥିଲା । ତେବେ ତାଙ୍କର ଅକ୍ସିଜେନ ମାତ୍ରା କମିଯିବାରୁ ସମ୍ବଲପୁର କୋଭିଡ ହସ୍ପିଟାଲକୁ ପଠା ଯାଇଥିଲା। ଆଉ ବର୍ତ୍ତମାନ ସେ ସୁସ୍ଥ ହୋଇ ଘରକୁ ଫେରିଛନ୍ତି।
ଏଥିପାଇଁ ତାଙ୍କର ପରିବାର ଲୋକେ ସମ୍ବଲପୁର ଜିଲ୍ଲା ପ୍ରଶାସନ, ଡାକ୍ତର ଓ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜ୍ଞାପନ କରିଛନ୍ତି । ତାଙ୍କର ପରିବାର ଲୋକେ ପ୍ରତ୍ୟେକ କୋରୋନା ରୋଗୀଙ୍କୁ ଧର୍ଯ୍ୟର ସହ ମୁକାବିଲା କରିବାକୁ କହିଛନ୍ତି।
ସମ୍ବଲପୁରର ଏହି 90 ବର୍ଷୀୟ ବୃଦ୍ଧାଙ୍କୁ ମଧୁମେହ, ହୃଦ ରୋଗ, ଉଚ୍ଚ ରକ୍ତ ଚାପ ରୋଗ ଥାଇ ମଧ୍ୟ ସେ କୋରୋନାକୁ ପରାସ୍ତ କରିଛନ୍ତି । ଯାହା ସମସ୍ତଙ୍କ ପାଇଁ ପ୍ରେରଣା ନିଶ୍ଚୟ ।
ସମ୍ବଲପୁରରୁ ବାଦଶାହା ଜୁଶ୍ମନ ରଣା, ଇଟିଭି ଭାରତ
