ସମ୍ବଲପୁର: ସମ୍ବଲପୁର ପୋଲିସକୁ ମିଳିଛି ସଫଳତା। ଏସପି କନବର ବିଶାଳ ସିଂଙ୍କ ନିର୍ଦ୍ଦେଶ କ୍ରମେ ସୋମବାର ସମ୍ବଲପୁର ପୋଲିସର ଏକ ମିଳିତ ଟିମ ରାଜରାସ୍ତାରେ ଲୁଟ କରୁଥିବା 6 ଲୁଟେରାଙ୍କ ସମେତ 2 କୋରେକ୍ସ ମାଫିଆକୁ ଗିରଫ କରିବାରେ ସଫଳ ହୋଇଛି।
ପୋଲିସ ହାତରେ ଧରା ପଡିଥିବା ଲୁଟେରା ବିଭିନ୍ନ ସମୟରେ ଭୁଜାଲି ଓ ବନ୍ଧୁକ ମୁନରେ ଲୋକଙ୍କ ପାଖରୁ ମୋବାଇଲ, ନଗଦ ଟଙ୍କା ଲୁଟପାଟ କରୁଥିଲେ। ତେବେ ଲୁଟେରାଙ୍କ ପାଖରୁ ନଗଦ 4200 ଟଙ୍କା, ଗୋଟିଏ ବାଇକ ଓ ମୋବାଇଲ ସହ ମୋଟର ପମ୍ପ ଜବତ ହୋଇଥିବା ବେଳେ କୋରେକ୍ସ ମାଫିଆଙ୍କ ଠାରୁ 120 ବୋତଲ କୋରେକ୍ସ ଉଦ୍ଧାର ହୋଇଛି।
ସମ୍ବଲପୁରର ସଦର, ଶାସନ, ଧନୁପାଲି ଏବଂ କ୍ଷେତରାଜପୁର ଥାନା ଓ ଟାଉନ ଥାନା ଅଞ୍ଚଳରେ ଏହି ଅପରାଧୀ ସକ୍ରିୟ ଥିବାର ସାମ୍ବାଦିକ ସମ୍ମିଳନୀରେ ପୋଲିସ ସୂଚନା ଦେଇଛନ୍ତି। ତେବେ ସୋମବାର ସେମାନଙ୍କୁ କୋର୍ଟ ଚାଲାଣ କରାଯାଇଛି। ରାଜରାସ୍ତାରେ ଲୁଟପାଟ କରୁଥିବା ଲୁଟେରାଙ୍କୁ ଧରିବା ପାଇଁ ସ୍ପେସିଆଲ ସ୍କ୍ବାର୍ଡ ଓ 4 ଟି ଥାନାର ଅଧିକାରୀଙ୍କୁ ନେଇ ଏକ ଟିମ୍ ଗଠନ ହୋଇଥିଲା।
ସମ୍ବଲପୁରରୁ ବାଦଶାହ ଜୁସ୍ମନ ରାଣା, ଇଟିଭି ଭାରତ
