ସମ୍ବଲପୁର: ଗୁରୁବାର ଜିଲ୍ଲାରେ 4 ଜଣ ନୂଆ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଚିହ୍ନଟ 4 ଜଣ ବୁର୍ଲା ଭୀମସାର କୋଭିଡ ଯୋଦ୍ଧା । ଜିଲ୍ଲା ପ୍ରଶାସନ ପକ୍ଷରୁ ଏସମ୍ପର୍କରେ ସୂଚନା ଦିଆଯାଇଛି ।
ସେପଟେ ବୁର୍ଲା ଭୀମସାର ମେଡିକାଲରେ ସ୍ଥାନୀୟ ସଂକ୍ରମଣ ବଢୁଥିବାରୁ ଏହାର ସମସ୍ତ ଓପିଡିକୁ ଜୁଲାଇ 19 ତାରିଖ ପର୍ଯ୍ୟନ୍ତ ବନ୍ଦ କରି ଦିଆଯାଇଛି । ଏପରିକି ସମ୍ବଲପୁର ସହରର କେତେକ ସ୍ଥାନରେ ସ୍ଥାନୀୟ ସଂକ୍ରମଣ ବାହାରିବା ପରେ ଉକ୍ତ ଅଞ୍ଚଳ ଗୁଡିକୁ ମଧ୍ୟ ସିଲ୍ କରି ଦିଆଯାଇଛି ।
ଏଭଳି ପରିସ୍ଥିତିରେ ଜିଲ୍ଲାବାସୀଙ୍କ ମନରେ ଭୟର ବାତାବତରଣ ଖେଳିଥିବାବେଳେ ସେମାନଙ୍କୁ ସାମାଜିକ ଦୂରତ୍ବ ବଜାୟ ରଖିବାକୁ କୁହାଯାଇଛି । ଏଥିସହ ମାସ୍କ ପିନ୍ଧିବା ଓ ନୀତି ନିୟମକୁ ପାଳନ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ଅପିଲ୍ କରାଯାଇଛି ।
ପ୍ରକାଶ ଥାଉ କି ବର୍ତ୍ତମାନ ସୁଦ୍ଧା ଜିଲ୍ଲାରେ 129 ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ତନ୍ମଧ୍ୟରୁ 101 ଜଣ ସୁସ୍ଥ ହୋଇଥିବା ବେଳେ 28ଟି ମାମଲା ଏବେ ବି ସକ୍ରିୟ ରହିଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
