ସମ୍ବଲପୁର: ଜିଲ୍ଲାର ବୁର୍ଲା ଭୀମସାର ମେଡିକାଲରୁ 3 ଜଣ ଦଲାଲଙ୍କୁ ଗିରଫ କରିଛି ପୋଲିସ । ଏମାନଙ୍କ ବିରୋଧରେ ରକ୍ତ ଦଲାଲି କରୁଥିବା ଅଭିଯୋଗ ହୋଇଛି । ତେବେ ଏ ସମ୍ପର୍କରେ ସମ୍ବଲପୁର SP ବାତୁଲା ଗଙ୍ଗାଧର ସୂଚନା ଦେଇଛନ୍ତି ।
ଗିରଫ ୩ ଜଣ ଅଭିଯୁକ୍ତ ନିଜକୁ ବୁର୍ଲା ଭୀମସାରର କର୍ମଚାରୀ ଦର୍ଶାଇ ନୀରିହ ରୋଗୀ ପରିଜନଙ୍କୁ ରକ୍ତ ଯୋଗାଇ ଦେବା ପାଇଁ ପଇସା ମାଗୁଥିଲେ । ମିଛ ପ୍ରତିଶୃତି ଦେଇ ଲୋକଙ୍କଠାରୁ ପଇସା ନେଉଥିବା ଖବର ପାଇ ପୋଲିସ ଆଜି(ଶନିବାର) ସକାଳ ୯ଟା ୩୦ରେ ଚଢାଉ କରି ସେମାନଙ୍କୁ ଗିରଫ କରିବା ସହ ୧୫୦୦ ଟଙ୍କା ଓ ଗୋଟିଏ ଅଟୋ ଜବତ କରିଛି । ଗିରଫ ଅଭିଯୁକ୍ତ ହେଲେ ଗରିବ ଲୁହା, ଅଜିତ ନାଏକ ଓ ଶଙ୍କର ନାଏକ ।
ତେବେ ବିଭିନ୍ନ ଜିଲ୍ଲାରୁ ଆସୁଥିବା ରୋଗୀ ପରିଜନ ଏଭଳି ଠକାମିର ଶିକାର ହେଉଥିଲେ । ଯେକୌଣସି ବ୍ୟକ୍ତିଙ୍କୁ ରକ୍ତ ଦରକାର ପଡେ ତେବେ ସେମାନେ ୫ଟି ମୋ ସରକାର କଲ ସେଣ୍ଟରକୁ ଯୋଗାଯୋଗ କରିବା ପାଇଁ ଏସପି ବାତୁଲା ନିବେଦନ କରିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରାଣା, ଇଟିଭି ଭାରତ
