ସମ୍ବଲପୁର: ସମ୍ବଲପୁର ଆଇଆଇଏମରେ ଚାଲିଛି 2 ଦିନିଆ ବିଜନେସ କନକ୍ଲେଭ। ଏଠାରେ ‘ମ୍ୟାନେଜିଙ୍ଗ ଡିସରପସନସ୍ ଇନ୍ ଡିଜିଟାଲ ଇକୋନୋମୀ’ ଶୀର୍ଷକ ଉପରେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି । ଏଥିରେ ଏମ୍ସିଏଲର ପରିଚଳନା ନିର୍ଦ୍ଦେଶକ ବି.ଏନ ଶୁକ୍ଳା ଓ ସମ୍ବଲପୁର ବିଶ୍ବବିଦ୍ୟାଳୟର କୁଳପତି ଦୀପକ କୁମାର ବେହେରା ଯୋଗଦେଇ ଡିଜିଟାଲ ଇକୋନୋମୀରେ ପ୍ରତିବନ୍ଧକ ଓ ପରିଚାଳନା ନେଇ ନିଜ ନିଜର ଅଭିଜ୍ଞତା ଆଇଆଇଏମ ଛାତ୍ରଛାତ୍ରୀ ଆଗରେ ରଖିଥିଲା ।
ସମ୍ପ୍ରତି ସାରା ପୃଥିବୀରେ ଡିଜିଟାଲ ଇକୋନୋମୀରେ ଅନେକ ସମ୍ଭାବନା ରହିଛି । ଆଉ ଡିଜିଟାଲ ଇକୋନୋମୀ କ୍ଷେତ୍ରରେରେ ଭାରତର ବହୁ ଗୁରୁତ୍ବ ରହିଛି। କାରଣ ଡିଜିଟାଲ ଇକୋନୋମିକୁ ପରିଚାଳନା ପାଇଁ ଭାରତ ପାଖରେ ବହୁ ମାନବ ସମ୍ବଳ ଓ ଭିତ୍ତିଭୂମି ରହିଛି। ଏଭଳି ସ୍ଥିତିରେ ଆଗାମୀ ଦିନରେ ଭାରତ ଡିଜିଟାଲ ଇକୋନୋମୀ କ୍ଷେତ୍ରରେ ବିଶ୍ବକୁ ନିୟନ୍ତ୍ରଣ କରିବାର କ୍ଷମତା ରଖିଛି। କାରଣ ଡିଜିଟାଲ ଇକୋନୋମୀକୁ ପରିଚାଳନା ପାଇଁ ଭାରତ ପାଖରେ ବହୁ ଆଇଟି ଛାତ୍ରଛାତ୍ରୀ ଅଛନ୍ତି ।
ତେଣୁ ଆଗାମୀ ଦିନରେ ଆମ ଦେଶର ଛୋଟଛୋଟ ସହରରେ ଡିଜିଟାଲ ଇକୋନୋମିର ବହୁଳ ପ୍ରସାର ଉଦ୍ଦେଶ୍ୟରେ ବହୁ ନିଯୁକ୍ତି ଆସିବ। ଆଉ ଏଠିକାର ଯୁବପିଢି ଛୋଟ ସହରରେ ରହି ବିଶ୍ବସ୍ତରର କମ୍ପାନୀ ମାନଙ୍କ ପାଇଁ କାମ କରିବେ। ଆଉ ଆମ ପ୍ରଧାନମନ୍ତ୍ରୀ 5ଟ୍ରିଲୀୟନ ଇକୋନୋମି କରିବାର ଯେଉଁ ସ୍ବପ୍ନ ଦେଖିଛନ୍ତି ତାହା ପୂରଣ ହୋଇପାରିବ ବୋଲି ଏହି କନକ୍ଲେଭରେ ଆଲୋଚନା ହୋଇଛି।
ସମ୍ବଲପୁର ଆଇଆଇଏମର ଭତ୍ତିଭୂମି ଓ ଏଠିକାର ଶିକ୍ଷା ପ୍ରଣାଳୀ ଅତି ଉଚ୍ଚସ୍ତରୀୟ ବୋଲି କହିବା ସହ ଡିଜିଟାଲ ଇକୋନୋମିର ସମ୍ଭାବନା ନେଇ ନିଜର ଗୁରୁତ୍ବପୂର୍ଣ୍ଣ ମତ ରଖିଥିଲେ ବି.ଏନ ଶୁକ୍ଳା।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
