ରାୟଗଡା: ନାବାଳିକାକୁ ପ୍ରଲୋଭନ ଦେଖାଇ ଅପହରଣ ନେଇ ଜଣେ ଯୁବକଙ୍କୁ ଗିରଫ କରିଛି ରାମନାଗୁ଼ଡା ପୋଲିସ । ଗିରଫ ଯୁବକ ଜଣକ ହେଲେ ଗଞ୍ଜାମ ଜିଲ୍ଲା ଛତ୍ରପୁର ସହରର ଅଙ୍ଗଦ ଦାଶ ।
ସୂଚନାଅନୁସାରେ,ଛତ୍ରପୁର ସହରର ଅଙ୍ଗଦ ଦାଶ(୪୩) କାମଧନ୍ଦା ଅନ୍ବେଷଣରେ ରାମନାଗୁଡା ବ୍ଲକ ଅନ୍ତଝଲି ଗାଁକୁ ଆସିଥିଲେ । ସେଠାରେ ଏକ ଚିକେନ ଦୋକାନରେ କାମ କରୁଥିଲେ । ସେଠାରେ ଜଣେ ୧୩ବର୍ଷର ନାବାଳିକାକୁ ବିଭିନ୍ନ ପ୍ରଲୋଭନ ଦେଖାଇ ଅନୈତିକ ସମ୍ପର୍କ ରଖି ଆସୁଥିଲା । ନାବାଳିକାକୁ ଗତ ୨୦ ତାରିଖ ଦିନ ଅପହରଣ କରି ନେଇଥିଲେ ଅଙ୍ଗଦ ।
ଥାନାରେ ନାବାଳିକାଙ୍କ ପରିବାର ଅଭିଯୋଗ କରିବା ପରେ ପୋଲିସ ଖୋଜାଖୋଜି କରିବା ଆରମ୍ଭ କରିଥିଲା । ଏହା ପରେ ନାବାଳିକା ଓ ଅଙ୍ଗଦକୁ ପୋଲିସ ବ୍ରହ୍ମପୁରଠାରେ କାବୁ କରିବାରେ ସକ୍ଷମ ହୋଇଛି । ଉଭୟଙ୍କୁ ଗୁଣପୁର ଥାନାକୁ ଆଣି ପଚରାଉଚରା କରିବା ସହ ଡାକ୍ତରୀ ମାଇନା କରାଯାଇଥିଲା । ଅଭିଯୁକ୍ତ ଅଙ୍ଗଦଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବାବେଳେ ଜାମିନ ନାମଞ୍ଜୁର ହେବାରୁ ତାଙ୍କୁ ଗୁଣପୁର ବିଚାର ବିଭାଗ କାରାଗାରକୁ ପଠାଇ ଦିଆଯାଇଛି ।
ରାୟଗଡାରୁ ରଞ୍ଜନ କୁମାର ରଥ,ଇଟିଭି ଭାରତ
