ରାୟଗଡ଼ା: ଗୁଣପୁର ଉପଖଣ୍ଡ ଅନ୍ତର୍ଗତ ଚନ୍ଦ୍ରପୁର ମିନାଝୋଲା ଶିବ ମନ୍ଦିର ନିକଟରେ ପ୍ରବାହିତ ବଂଶଧରା ନଦୀରେ ଭାସି ଯାଇଥିବା ଦୁଇ ନାବାଳକଙ୍କ ମୃତଦେହ ଉଦ୍ଧାର ହୋଇଛି । ନିଖୋଜ ହେବାର ୨୪ ଘଣ୍ଟା ପରେ ୫ କିଲୋମିଟର ଦୂରରୁ ଅଗ୍ନିଶମ ବିଭାଗ ଦୁଇ ଜଣଙ୍କ ମୃତଦେହ ଉଦ୍ଧାର କରିଛି । ଗତ ସୋମବାର ଗାଧୋଇବା ସମୟରେ ବଂଶଧାରା ନଦୀର ପ୍ରଖର ପାଣି ସ୍ରୋତରେ ଦୁହେଁ ଭାସିଯାଇଥିଲେ । ଦୁଇ ମୃତ ନାବାଳକ ହେଲେ ୯ ବର୍ଷୀୟ ରତ୍ନାକର ବଡନାୟକ ଏବଂ ୧୦ ବର୍ଷୀୟ ସୌମିତ ବଡସେଠ ।
ଏହା ମଧ୍ୟ ପଢ଼ନ୍ତୁ: ଜଳାଭିଷେକ କରି ଫେରିବା ବେଳେ ଅଘଟଣ, ମହାନଦୀରେ ବୁଡି କାଉଡ଼ିଆ ମୃତ
ଦୁଇ ନାବାଳକ ରତ୍ନାକର ଓ ସୌମିତ ନିଖୋଜ ହେବା ପରେ ଚନ୍ଦ୍ରପୁର ଦମକଳ ବାହିନୀ ଓ ଭାମିନି ଦ୍ବିତୀୟ ଆଇଆର୍ବିଏନ୍ କ୍ୟାମ୍ପର ଓଡ୍ରାଫ ଟିମ୍ ଏବଂ ଟାପିରିକୁପୁଡା ଗ୍ରାମବାସୀ ଅନେକ ଖୋଜାଖୋଜି କରିଥିଲେ । ମାତ୍ର ସେମାନଙ୍କର କୌଣସି ପତ୍ତା ମିିଳିନଥିଲା । ସନ୍ଧ୍ୟା ହୋଇ ଯିବାରୁ ଉଦ୍ଧାର କାର୍ଯ୍ୟ ବନ୍ଦ ରହିଥିଲା । ସକାଳୁ ପୁଣି ଦମକଳ ବାହିନୀ ଓ ଭାମିନି ଦ୍ବିତୀୟ ଆଇଆର୍ବିଏନ୍ କ୍ୟାମ୍ପର ଓଡ୍ରାଫ ଟିମ୍ ପହଞ୍ଚି ଖୋଜାଖୋଜି କରିବା ପରେ ଉଭୟଙ୍କ ମୃତ ଶରୀର ସେଠାରୁ 5 କିଲୋମିଟ ଦୂରରୁ ଉଦ୍ଧାର କରାଗଲା । ଘଟଣାସ୍ଥଳରେ ଚନ୍ଦ୍ରପୁର ପୋଲିସ ପହଞ୍ଚି ଉଭୟଙ୍କ ମୃତଦେହ ଜବତ କରି ମାଜିଷ୍ଟେଟଙ୍କ ଉପାସ୍ଥିତିରେ ବ୍ୟବଛେଦ କରି ପରିବାରକୁ ହସ୍ତାନ୍ତର କରିଛି ।
