ରାୟଗଡ଼ା:ମୁନିଗୁଡା ରେଳ ଷ୍ଟେସନର ମୁନିଖୋଲ ନିକଟରେ ଗୋଟିଏ ମାଲବାହୀ ଟ୍ରେନର ୪ଟି ବଗି ଲାଇନଚ୍ୟୁତ ହୋଇଛି । ଟ୍ରେନଟି ବିଶାଖାପାଟଣାରୁ ଖାଲି ଡିଜେଲ ଟାଙ୍କି ନେଇ ଛତିଶଗଡର ଅମୁଲାଇ ଯାଉଥିଲା । ମୁନିଗୁଡା ଷ୍ଟେସନ ନିକଟରେ ଲାଇନକାମ ଚାଲିଥିବା ବେଳେ ଏପରି ଲାଇନଚ୍ୟୁତ ହୋଇଥିବା ଜଣାପଡିଛି ।
ମାଲବାହୀ ଟ୍ରେନର ୪ ବଗି ଲାଇନଚ୍ୟୁତ, ବିଶାଖାପାଟଣା ରାଇପୁର ଲାଇନରେ ଟ୍ରେନ ଚଳାଚଳ ବାଧାପ୍ରାପ୍ତ
ଖବରପାଇ ରେଳବାଇ କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ଲାଇନଚ୍ୟୁତ ଟ୍ରେନକୁ ସଜାଡି ରେଳ ଚଳାଚଳ ସ୍ଵଭାବିକ କରିବାରେ ଲାଗିପଡିଛନ୍ତି । ଫଳରେ ବିଶାଖାପାଟଣା ରାଇପୁର ଲାଇନରେ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି ।
ରାୟଗଡ଼ାରୁ ରଞ୍ଜନ କୁମାର ରଥ, ଇଟିଭି ଭାରତ
