ରାୟଗଡ଼ା: ପ୍ରବାସୀ ଓଡ଼ିଆଙ୍କୁ ନେଇ ରାୟଗଡାରେ ଏକ ସ୍ବତନ୍ତ୍ର ଟ୍ରେନ ପହଞ୍ଚିଛି । ତେଲେଙ୍ଗାନା ରାଜ୍ୟର ବୋଲାରାମ ଷ୍ଟେସନରୁ ୧୬୦୦ ଜଣଙ୍କୁ ନେଇ ଏହି ଟ୍ରେନ ରାୟଗଡା ଆସିଛି । ଏଥିରେ ରାୟଗଡା ଠାରେ ୧୭୦ ଜଣ ପ୍ରବାସୀ ଓହ୍ଲାଇଥିଲେ । ସମସ୍ତ ୧୭୦ ଜଣ କୋରାପୁଟ, ମାଲକାନଗିରି ଓ ନବରଙ୍ଗପୁର ଜିଲ୍ଲାର ବୋଲି ସୂଚନା ମିଳିଛି । ତେଲେଙ୍ଗାନାର ବଲାରାମରୁ ନୁଆପଡ଼ାକୁ ୧୬୦୦ ଶ୍ରମିକଙ୍କୁ ନେଇ ଏହି ଟ୍ରେନ ଦିନ ୧୧.୧୦ ଟା ସମୟରେ ରାୟଗଡ଼ା ଷ୍ଟେସନରେ ପହଞ୍ଚି ୧୧.୪୦ ରେ ନୁଆପଡ଼ା ଅଭିମୁଖେ ଯାତ୍ରା ଆରମ୍ଭ କରିଛି ।
ସମସ୍ତ ଓହ୍ଲାଇଥିବା ପ୍ରବାସୀ ଓଡ଼ିଆଙ୍କ ପାଇଁ ସ୍ବତନ୍ତ୍ର ଵସର ବ୍ୟବସ୍ଥା ଗ୍ରହଣ ହୋଇଥିଲା । ସେଥିରେ ନିଜ ଜିଲ୍ଲା ଓ ବ୍ଲକକୁ ପଠାଯାଇଛି । ଶ୍ରମିକ ସ୍ୱତନ୍ତ୍ର ଟ୍ରେନ ଆସୁଥିବା ବେଳେ ଏନେଇ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ଦିନ ୧୦ ଟାରୁ ରେଳ ଷ୍ଟେସନକୁ ସଂଯୋଗ କରୁଥିବା ରାସ୍ତାରେ ୧୪୪ ଧାର ଜାରି କରାଯାଥିଲା । ତେବେ ସବୁଠାରୁ ବଡ କଥା ଏହି ଟ୍ରେନରେ କୋରପୁଟ ମାଲକାନଗିରି, ନବରଙ୍ଗପୁର ଜିଲ୍ଲାର ୭୨୦ ଜଣ ଶ୍ରମିକ ଆସିବାକୁ ଥିଲା । ହେଲେ ବର୍ତ୍ତମାନ ଆସିଛନ୍ତି ମାତ୍ର ୧୭୦ ଜଣ ଶ୍ରମିକ । ଆସନ୍ତୁ ଶୁଣିବ ଏନେଇ ଅଣ କହୁଛନ୍ତି ରାୟଗଡା ଜିଲ୍ଲାପାଳ ପ୍ରମୋଦ କୁମାର ବେହେରା...
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
