ରାୟଗଡା: ଓଡିଶା ଦକ୍ଷତା ବିକାଶ ପ୍ରାଧିକରଣର ଅଧ୍ୟକ୍ଷ ସୁବ୍ରତ ବାଗଚୀଙ୍କ ଦୁଇ ଦିନିଆ ରାୟଗଡା ଗସ୍ତ । ଜିଲ୍ଲାରେ ଚାଲିଥିବା ଦକ୍ଷତା ବିକାଶର ପ୍ରୟୋଗଶାଳା ଗୁଡିକ ବୁଲି ଦେଖିଲେ ସୁବ୍ରତ ବାଗଚୀ ।
ଦୁଇ ଦିନିଆ ରାୟଗଡା ଗସ୍ତରେ ଆସି ସୁବ୍ରତ ବାଗଚୀ ଜିଲ୍ଲାର ବିଭିନ୍ନ ଦକ୍ଷତା ବିକାଶର ପ୍ରୟୋଗଶାଳା ବୁଲି ସ୍ଥିତିର ଅନୁଧ୍ୟାନ କରିଛନ୍ତି । ମଙ୍ଗଳବାର ରାୟଗଡା ଜିଲ୍ଲା ବିଷମକଟକ ବ୍ଲକରେ ଥିବା ଦକ୍ଷତା ବିକାଶ କେନ୍ଦ୍ରକୁ ଯାଇ ସେଠାରେ ଥିବା ଅନ୍ତେବାସୀଙ୍କ ସହ ଆଲୋଚନା କରିଥିଲେ । ସେହିଭଳି ବୁଧବାର ଜିଲ୍ଲା ଦକ୍ଷତା ବିକାଶ କମିଟି ତଥା ଜିଲ୍ଲା ପ୍ରଶାସନ ତରଫରୁ ବୃହତ, ମଧ୍ୟମ ଓ ଲଘୁ କର୍ମଶାଳା ଜେ.କେ. ପୁର ଠାରେ ଏକ କର୍ମଶାଳାର ଆୟୋଜନ ହୋଇଥିଲା । ଏହି କର୍ମଶାଳାରେ ମୁଖ୍ୟ ଅତିଥି ଭାବେ ଓଡିଶା ଦକ୍ଷତା ବିକାଶ ପ୍ରାଧିକରଣର ଅଧ୍ୟକ୍ଷ ସୁବ୍ରତ ବାଗଚୀ ଯୋଗଦେଇଥିଲେ । ଜିଲ୍ଲାରେ କିପରି ଅଧିକରୁ ଅଧିକ ବେକାରୀ ଯୁବକ, ଯୁବତୀଙ୍କୁ ତାଲିମ ମାଧ୍ୟମରେ ନିଯୁକ୍ତିର ସୁଯୋଗ ସୃଷ୍ଟି କରିହେବା ନେଇ ଗୁରତ୍ବାରୋପ କରିଛନ୍ତି ।
ଏହା ବ୍ୟତୀତ ଜିଲ୍ଲାରୁ ଅଧିକରୁ ଅଧିକ ପ୍ରଶିକ୍ଷଣ (ଅପରେଣ୍ଟିକ୍ସ) ସୁଯୋଗ ଶିଳ୍ପ ସଂସ୍ଥା ମାଧ୍ୟମରେ ଦିଆଯିବା ସଂଗେ ସଂଗେ ଯୁବତୀ ମାନଙ୍କୁ ଶିଳ୍ପୀ କ୍ଷେତ୍ରରେ ଅଗ୍ରାଧିକାର ଦେବାପାଇଁ ଉତ୍ସାହିତ କରିଥିଲେ । ଏହି କର୍ମଶାଳାରେ ଜିଲ୍ଳାପାଳ ସରୋଜ କୁମାର ମିଶ୍ର, ପୋଲିସ ଅଧୀକ୍ଷକ ବିବେକାନନ୍ଦ ଶର୍ମା, ସମେତ ଜିଲ୍ଲାସ୍ତରୀୟ ଅଧିକାରୀ ଯୋଗ ଦେଇଥିଲେ ।
ରାୟଗଡାରୁ ରଞ୍ଜନ କୁମାର ରଥ,ଇଟିଭି ଭାରତ
