ରାୟଗଡା: ଜିଲ୍ଲାର ବସନ୍ତ ମହୋତ୍ସବ ମେଗା କ୍ରୀଡା ଉତ୍ସବକୁ ଉଦଘାଟନ କଲେ ଧାବିକା ଦୂତିଚାନ୍ଦ । ରାୟଗଡା ଜିଲ୍ଲା ଗୁଣୁପୁର ଠାରେ ୧୧ ତମ ବଂଶଧାରା ବସନ୍ତ ମହୋତ୍ସବ ଆନୁକୂଲ୍ୟରେ ମେଗା କ୍ରୀଡା ଉତ୍ସବ ଆରମ୍ଭ ହୋଇଛି । ଏଥିରେ ଦୌଡରାଣୀ ଦୂତି ଚାନ୍ଦ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ ।
ସ୍ଥାନୀୟ ବିଧାୟକ ରଘୁନାଥ ଗମାଙ୍ଗ ଯୋଗଦେଇ ଏହି କ୍ରୀଡା ଉତ୍ସବରେ ଅନ୍ତ ରାଜ୍ୟ ବଂଶଧାରା କପ କ୍ରିକେଟ୍ ଟୁର୍ଣ୍ଣାମେଣ୍ଟକୁ ମିନିଷ୍ଟାଡିୟମରେ ଉଦଘାଟନ କରିଛନ୍ତି । ପୁରୁଣା ବସଷ୍ଟାଣ୍ଡର ମା ଦକ୍ଷିଣ କାଳୀ ମନ୍ଦିରଠାରୁ ଦୂତିଚାନ୍ଦଙ୍କ ସହ ଅନ୍ୟ ଅତିଥି ଓ କ୍ରୀଡା ପ୍ରେମୀମାନେ ଏକ ମଶାଲ ଶୋଭାଯାତ୍ରା ବାହାରି ଗୁଣପୁର ମିନି ଷ୍ଟାଡିୟମଠାରେ ପହଞ୍ଚିଥିଲା । ଏହାପରେ ବଂଶଧାରା କପ୍ କ୍ରିକେଟ୍ ଟୁର୍ଣ୍ଣାମେଣ୍ଟର ଶୁଭାରମ୍ଭ ହୋଇଥିଲା ।
ପ୍ରଥମ ଦିନରେ ରାୟଗଡ଼ା ଦଳ ଓ ଆନ୍ଧ୍ରା ସ୍ପରଟାନ ଦଳ ମଧ୍ୟରେ ଖେଳ ହୋଇଥିଲା । ଏହି ମ୍ୟାଚରେ ରାୟଗଡା ଦଳ ବିଜୟ ହୋଇଥିଲେ । ଫଳରେ ଏହି ଟୁର୍ଣ୍ଣାମେଣ୍ଟରେ ରାୟଗଡ଼ା ସହ କଟକର ରାଇଜିଙ୍ଗ ଷ୍ଟୁଡେଣ୍ଟ୍ , ବାଲେଶ୍ଵରର ଆଦର୍ଶ କ୍ରିକେଟ କ୍ଲବ, ସମ୍ବଲପୁରର ଏମ:ଏମ:ସି:ସି ,ରାଉରକେଲାର ଆର ଓ୍ବାଇସିସି ସହ ରାଜ୍ୟ ବାହାର କୋଲକାତାର ଗ୍ରୀନ ଗ୍ରାସ କ୍ରିକେଟ ସେଣ୍ଟର ଓ ଛତିଶଗଡ଼ ଭିଲାଇର ଆର:ସି: ଏ ଭାଗ ନେବେ ।
ଇଟିଭି ଭାରତ, ରାୟଗଡା
