ରାୟଗଡା: କୋରୋନା ପାଇଁ ଗଠିତ ସ୍ପେଶାଲ ଟିମ୍ ବିଭନ୍ନ ଲଜ୍ ଉପରେ ଚଢାଉ କରି ରାୟଗଡାରେ ୯ ଜଣ କେରଳ ଫେରନ୍ତା ଯୁବକଙ୍କୁ ଠାବ କରାଯାଇଛି ।
କୋରୋନା ପାଇଁ ଗଠିତ ସ୍ପେଶାଲ ଟିମ୍ ବିଭନ୍ନ ଲଜ ଉପରେ ଚଢାଉ କରିଛନ୍ତି । ଏହି ଟିମ୍ ସହରର କପିଳାସ ଛକରେ ଥିବା ଏସ ଲଜ୍ ଉପରେ ଚଢାଉ କରି ରାୟଗଡା ଜିଲ୍ଲା କାଶିପୁର ବ୍ଲକର ୯ଜଣ କେରଳ ଫେରନ୍ତା ଯୁବକଙ୍କୁ ଠାବ କରିଛି ।
ଜିଲ୍ଲା ପ୍ରଶାସନ ପକ୍ଷରୁ ଗଠିତ ହୋଇଥିବା କରୋନା ଆକ୍ସନ ଟିମ ସଂପୃକ୍ତ ଲଜ୍ ଉପରେ ଚଢାଉ କରି ୯ ଜଣଙ୍କୁ ଅଟକ ରଖିବା ସହ ସେମାନଙ୍କୁ ସ୍କ୍ରିନିଂ କରାଯାଉଛି । ଉକ୍ତ ୯ ଜଣ ରାୟଗଡା ଜିଲ୍ଲା ପ୍ରଶାସନ ପକ୍ଷରୁ ବିଭିନ୍ନ ଜାଗାରେ କରାଯାଇଥିବା ଆଇସୋଲେସନ ଘରେ ରଖିବା ପାଇଁ ପ୍ରଶାସନ ତରଫରୁ ପଦକ୍ଷେପ ନିଆଯାଉଛି ।
ତେବେ ଅଟକ ଥିବା ୯ ଜଣ ଯୁବକ କେରଳ ରାଜ୍ୟର ବିଭିନ୍ନ ହୋଟେଲରେ ଏବଂ ବେକେରିରେ କାମ କରୁଥିଲେ । ସେହିପରି ଏହି ସ୍ବତନ୍ତ୍ର ଟିମ ବୁଧବାର ରାତି ତମାମ ସହରରେ ଥିବା ବିଭିନ୍ନ ହୋଟଲ ଓ ଲଜକୁ ଯାଇ ତନଖି କରିଛନ୍ତି।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
