ରାୟଗ଼ଡା: ଆଜି ଟିକିରି ପୋଲିସକୁ ଏକ ବଡଧରଣର ସଫଳତା ମିଳିଛି । ଦୀର୍ଘ ଦିନରୁ ଉତ୍କଳ ଆଲୁମିନା କାରଖାନା ଏବଂ ତାର ଆଖପାଖ ଅଞ୍ଚଳରେ କାରଖାନାର ଆଞ୍ଚଳିକ ଉନ୍ନୟନ ପାଣ୍ଠିରେ ଚାଷୀଙ୍କ ଜମିରେ ପାଣି ମଡାଇବା ପାଇଁ ନିର୍ମିତ ହୋଇଥିଲା ସୋଲାର ପ୍ଳାଣ୍ଟ । ସୋଲାର ପେନାଲ ଚୋରୀ କରୁଥିବା ପାଞ୍ଚ ଜଣିଆ ଚୋର ଦଳକୁ ଗିରଫ କରିବା ସହ ତାଙ୍କଠାରୁ ୧୨ ଟି ସୋଲାର ପେନାଲ ଏବଂ ଏହି ଚୋରିରେ ପରିବହନ ପାଇଁ ବ୍ୟବହୃତ ଗୋଟିଏ ବୋଲେରୋ ମେକ୍ସକୁ ଜବତ କରାଯାଇଥିବା ସୂଚନା ଦେଇଛନ୍ତି ରାୟଗଡା ଏସଡିପିଓ ତପନ ନାରାୟଣ ରଥ ।
ସୋଲାର ପେନାଲ ଚୋରୀ ଅଭିଯୋଗରେ ଗିରଫ ୪ ଜଣଙ୍କ ମଧ୍ୟରୁ ଜଣେ ନାବାଳକ
ତେବେ ଏହି ଚୋରି ଘଟଣାରେ ୪ ଜଣ ଅଭିଯୁକ୍ତଙ୍କ ସହିତ ଜଣେ ନାବାଳକ ରହିଥିବା ଶ୍ରୀ ରଥ ସୂଚନା ଦେଇଛନ୍ତି । ଅଭିଯୁକ୍ତ ୪ ଜଣଙ୍କୁ ଆଜି କୋର୍ଟ ଚାଲାଣ କରିଥିବା ବେଳେ ନାବାଳକ ଅଭିଯୁକ୍ତକୁ ଜୁଭେନାଇଲ ଜଷ୍ଟିସ ହୋମକୁ ପଠାଇ ଦିଆଯାଇଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
