ରାୟଗଡା : ଜିଲ୍ଲା ବରିଷ୍ଠ ନାଗରିକ ମଙ୍ଗଳ ସଂଘ ଓ ଜିଲ୍ଲା ପ୍ରଶାସନ ଦ୍ବାରା ବିଶ୍ବ ବରିଷ୍ଠ ନାଗରିକ ଦିବସ ପାଳିତ ହୋଇଛି । ରାୟଗଡାରେ ବରିଷ୍ଠ ନାଗରିକଙ୍କ ଦ୍ବାରା ଏକ ଶୋଭାଯାତ୍ରା ସ୍ଥାନୀୟ ବରିଷ୍ଠ ନାଗରିକ ସଂଘ କାର୍ଯ୍ୟାଳୟ ଠାରୁ ବାହାରି ସହର ପରିକ୍ରମା କରି ଗଜପତି ଛକ ପର୍ଯ୍ୟନ୍ତ ଆୟୋଜିତ ହୋଇଛି । ଏହି ଅବସରରେ ଜିଲ୍ଲାପାଳ ପ୍ରମୋଦ କୁମାର ବେହେରା, ଏସପି ଡ. ସର୍ବଣ ବିବେକ ଏମ ପ୍ରମୁଖ ଅତିଥିଭାବେ ଯୋଗଦେଇଥିଲେ ।
ଭିଡିଓ ସୌଜନ୍ୟ : ସମ୍ବାଦଦାତା, ରାୟଗଡା
ଏହି ଅବସରରେ ଜିଲ୍ଲାପାଳ ନୂତନଭାବେ ଗଠିତ ଲାଫିଙ୍ଗ କ୍ଲବକୁ ଉଦଘାଟନ କରିଛନ୍ତି । ଏହା ସହ ବୟସ୍କ ମହିଳାଙ୍କୁ ବସ୍ତ୍ର ଓ ଜିଲ୍ଲାର ଗୁଣିବ୍ୟକ୍ତି ମାନଙ୍କୁ ସମ୍ବର୍ଦ୍ଧନା କରିଛନ୍ତି । ଏହି କାର୍ଯ୍ୟକ୍ରମରେ ରାୟଗଡା ଉପଜିଲ୍ଲାପାଳ, IMFA ଲୋକସମ୍ପର୍କ ଅଧିକାରୀ ଶକ୍ତିପ୍ରସଦ ପାଣିଗ୍ରାହୀ ସମେତ ଶତାଧିକ ବରିଷ୍ଠ ନାଗରିକ ଉପସ୍ଥିତ ଥିଲେ । ଏହା ବ୍ୟତୀତ ପ୍ରଶାସନ ଦ୍ବାରା ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
