ରାୟଗଡା: ସ୍କୁଟି ସହ ବାଇକ ମୁହାଁମୁହିଁ ଧକ୍କା । ଦୁଇ ମୃତ, ଜଣେ ଗୁରୁତର । ଘଟଣାସ୍ଥଳରେ ବାଇକ ଚାଳକଙ୍କ ମୃତ୍ୟୁ ଘଟିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ରାୟଗଡା ସହର ଦେଇ ଯାଇଥିବା ୩୨୬ ନମ୍ବର ଜାତୀୟ ରାଜପଥ ଗଙ୍ଗା ଗ୍ୟାରେଜ ଛକ ନିକଟରେ ସ୍କୁଟି ସହ ବାଇକ ମୁହାଁମୁହିଁ ଧକ୍କା ହୋଇଛି । ଘଟଣାସ୍ଥଳରେ ବାଇକ ଓ ସ୍କୁଟି ଚାଳକଙ୍କ ମୃତ୍ୟୁ ଘଟିଛି । ମୃତକ ଆନ୍ଧ୍ରପ୍ରଦେଶ ଭରତ କୁମାର ନାମକ ଯୁବକ ହୋଣ୍ଡା ସୋରୁମରେ କାମ କରୁଥିଲେ। ସେ ଗାନ୍ଧୀନଗରସ୍ଥିତ ପ୍ରଥମ ଗଳିରେ ଥିବା ତାଙ୍କ ମାଉସୀ ଘରେ ରହୁଥିଲେ । ସେହିପରି ଅନ୍ୟ ଜଣେ ସୁବ୍ରତ କୁମାର ପଣ୍ଡା ଓ ତାଙ୍କ ସହିତ ତାଙ୍କର 10 ବର୍ଷର ପୁଅ ସାହିଲ ପଣ୍ଡା ଗୁରୁତର ଅବସ୍ଥାରେ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିବା ବେଳେ ତାଙ୍କ ପୁଅର ଅବସ୍ଥା ଗୁରୁତର ରହିଛି । ତାଙ୍କୁ ବର୍ତ୍ତମାନ ଡାକ୍ତର ବ୍ରହ୍ମପୁର ସ୍ଥାନାନ୍ତରିତ କରିଥିବା ଜଣାପଡିଛି । ବାପା ସୁବ୍ରତ ପଣ୍ଡାଙ୍କର ଜିଲ୍ଲା ଚିକିତ୍ସାଳୟରେ ମୃତ୍ୟୁ ହୋଇଛି ।
ସୁବ୍ରତ କୁମାର ପଣ୍ଡା ରାୟଗଡା ଜିଲ୍ଲା ଥେରୁବାଲି ଠାରେ ଥିବା ଲକ୍ଷ୍ମୀ ନାରାୟଣ ମନ୍ଦିରରେ ପୂଜକ ଭାବେ କାର୍ଯ୍ୟ କରନ୍ତି । ସେ ଏକ ବାହାଘରରେ ରାୟଗଡା ଆସି ଫେରିବାବେଳେ ତାଙ୍କ ସ୍କୁଟିକୁ ବାଇକ ଧକ୍କା ଦେଇଥିଲା । ଘଟଣାସ୍ଥଳରେ ରାୟଗଡା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ରାୟଗଡାରୁ ରଞ୍ଜନ କୁମାର ରଥ,ଇଟିଭି ଭାରତ
