ରାୟଗଡା: ବିଭିନ୍ନ ପ୍ରଲୋଭନ ଦେଖାଇ ଟଙ୍କା ଜମା ରଖିଥିବା ସାହାରା ଇଣ୍ଡିଆ ଏବେ ଧରା ଛୁଆଁ ଦେଉନି । ଏପଟେ ଦୀର୍ଘ ବର୍ଷ ଧରି ଟଙ୍କା ନପାଇ ବହୁ ହନ୍ତ ସନ୍ତ ହେଉଥିବା ଜମାକାରୀ ଅଭିଯୋଗ କରିଛନ୍ତି । ପୂର୍ବରୁ ଟଙ୍କା ନଫେରେଇବା ଭଳି ଅନେକ ଅଭିଯୋଗ ସାହାରା ବିରୁଦ୍ଧରେ ଥିଲେ ସୁଦ୍ଧା ଏଯାବତ୍ ରାଜ୍ୟରେ କୈଣସି ପଦକ୍ଷେପ ନିଆଯାଇନାହଁ । ଏବେ ଲୋକଙ୍କ କଷ୍ଟର୍ଜିତ ଟଙ୍କା କିଏ ଫେରାଇବ ଚିନ୍ତାରେ ପଡିଯାଇଛନ୍ତି ଜମାକାରୀ ।
ଦିପଇସା ସଞ୍ଚୟ ଆଶାରେ ପେଟରୁ କାଟି ଅର୍ଥ ଲଗାଣ କାରି ସଂସ୍ଥା ‘ସାହାରା ଇଣ୍ଡିଆ’ରେ ଟଙ୍କା ଜମା ରଖି ଥିଲେ ରାୟଗଡା ଜିଲ୍ଲା ବିଷମକଟକ ଅଞ୍ଚଳ ଅନେକ ମହିଳା । ଏମାନେ ୨୦୧୩ ରୁ ସାହାରା ଇଣ୍ଡିଆର ମାସିକ କିସ୍ତି ହିସାବରେ ଟଙ୍କା ଜମା ରଖିଥିଲେ । ହେଲେ ଗତ ତିନିବର୍ଷ ହେବ ସେମାନେ ଏ ବ୍ରାଞ୍ଚରୁ ସେ ବ୍ରାଞ୍ଚକୁ ଦୌଡୁଥିଲେ ସୁଦ୍ଧା ଏଯାବତ ତାଙ୍କ କଷ୍ଟର୍ଜିତ ଟଙ୍କା ଫେରସ୍ଥ କେହି ମଧ୍ୟ ନା ଗନ୍ଧ ଧରୁ ନାହାଁନ୍ତି ।
ଫଳରେ ବାଧ୍ୟ ହୋଇ ୪୦ରୁ ଉର୍ଦ୍ଧ୍ବ ମହିଳା ବିଷମକଟକ ଥାନାରେ ଏଜେଣ୍ଟଙ୍କ ନାଁରେ ଏତଲା ଦେଇଛନ୍ତି । ହେଲେ ଏ ପ୍ରସଙ୍ଗରେ ପୋଲିସ ମୁହଁ ଖୋଲୁନି ବୋଲି ଅଭିଯୋଗ ହୋଇଛି ।
ରାୟଗଡାରୁ ରଞ୍ଜନ ରଥ,ଇଟିଭି ଭାରତ
