ରାୟଗଡା : ଘନ କୁହୁଡି ଯୋଗୁଁ ଦୁର୍ଘଟଣା । ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ ରାୟଗଡା ସରାବାଲିରୁ ବାରିଗୁଡା ନିଜ ଶ୍ୱଶୁର ଘରକୁ ସୀମାଞ୍ଚଳ ଟାକ୍ରି ନାମକ ବ୍ୟକ୍ତି ଜଣକ କୌଣସି ଏକ କାମରେ ଯାଉଥିଲେ । ହେଲେ ଘନ କୁହୁଡି ଯୋଗୁଁ ବାରିଗୁଡା ମଶାଣି ନାଳ ବ୍ରିଜରୁ ସେ ଖସି ପଡିଥିଲେ । ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି ।
ଘନ କୁହୁଡି ଯୋଗୁଁ ଦୁର୍ଘଟଣା, ଜଣେ ମୃତ
ସକାଳୁ ଲୋକେ ବାଇକ ସହ ମୃତ ବ୍ୟକ୍ତି ଜଣଙ୍କୁ ପାଣିରେ ପଡିଥିବା ଦେଖି ପ୍ରଥମେ ଆମ୍ବୁଲାନ୍ସ ଓ ପୋଲିସକୁ ଖବର ଦେଇଥିଲେ। ବିଷମକଟକ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ମୃତଦେହକୁ ପାଣିରୁ ବାହାର କରିଥିଲା । ପରେ ବ୍ୟବଛେଦ ପାଇଁ ପଠାଇବା ସହ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
