ରାୟଗଡ଼ା: ରେଳ ଷ୍ଟେସନରୁ 8 ନାବାଳକ ଶ୍ରମିକଙ୍କୁ ଉଦ୍ଧାର କରିଛି ଚାଇଲ୍ଡ ହେଲ୍ପଲାଇନ ଓ ଜିଆରପି ପୋଲିସ । ଉଦ୍ଧାର ହୋଇଥିବା ଏହି ନାବାଳକମାନେ କୋରାପୁଟ, କଳାହାଣ୍ଡି ଓ ରାୟଗଡ଼ା ଜିଲ୍ଲାର ବୋଲି ଜଣାପଡ଼ିଛି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ରାୟଗଡା
ବିଜୟୱାଡ଼ାର ଏକ ଲଙ୍କା ଫାକ୍ଟ୍ରିରେ ଏମାନେ କାମ କରିବାକୁ ଯିବା ପାଇଁ ଷ୍ଟେସନରେ ଟ୍ରେନକୁ ଅପେକ୍ଷା କରିଥିଲେ । ଖବର ପାଇ ଚାଇଲ୍ଡ ହେଲ୍ପଲାଇନ ଜିଆରପିର ସହାୟତାରେ ଏହି ନାବାଳକ ଶ୍ରମିକମାନଙ୍କୁ ଉଦ୍ଧାର କରିଛି । କିନ୍ତୁ ଶ୍ରମିକମାନଙ୍କୁ ଚାଲାଣ କରୁଥିବା ଦଲାଲ୍ ଖବର ପାଇ ସେହି ସ୍ଥାନରୁ ଫେରାର ହୋଇଯାଇଥିଲା ।
ଶିଶୁ ମଙ୍ଗଳ କମିଟି ଆସନ୍ତାକାଲି ଏହି ଶ୍ରମିକମାନଙ୍କୁ ପଚରା ଉଚରା କରିବାପରେ ସେମାନଙ୍କ ପରିବାରକୁ ହସ୍ତାନ୍ତର କରିବ ବୋଲି ଜଣାପଡ଼ିଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
