ରାୟଗଡା: ରାୟଗଡା ଓ କଳାହାଣ୍ଡି ଜିଲ୍ଲାରେ ସୀମାନ୍ତରେ ଅବସ୍ଥାପିତ ବେଦାନ୍ତ କାରଖାନା ପ୍ରତିଶୃତି ଏବଂ ନିୟମ ଅନୁଯାୟୀ କାର୍ଯ୍ୟ କରୁନଥିବାରୁ ଲାଞ୍ଜିଗଡ଼, ମୁନିଗୁଡା ଆଞ୍ଚଳିକ ବିକାଶ ପରିଷଦ ପ୍ରଥମେ ଦକ୍ଷିଣାଞ୍ଚଳ RDC ପରେ କଳାହାଣ୍ଡି ଜିଲ୍ଲାପାଳ ଏବଂ ରାୟଗଡା ଜିଲ୍ଲାପାଳଙ୍କୁ ସାକ୍ଷାତ କରି ସ୍ୱାସ୍ଥ୍ୟ, ଶିକ୍ଷା ଏବଂ ଗମନାଗମନ ଭଳି ମୌଳିକ ସୁବିଧାରୁ ସ୍ଥାନୀୟ ଲୋକଙ୍କୁ ବଞ୍ଚିତ କରୁଥିବା ଅଭିଯୋଗରେ ବିଭିନ୍ନ ଦାବି ନେଇ ଏକ ପତ୍ର ଜିଲ୍ଲାପାଳ ସରୋଜ କୁମାର ମିଶ୍ରଙ୍କୁ ପ୍ରଦାନ କରିଛନ୍ତି ।
ଆଞ୍ଚଳିକ ବିକାଶ ପରିଷଦର ଅଭିଯୋଗ ହେଲା, କମ୍ପାନୀ ଚାଲୁ ହେବା ପରେ ନିଜର ଦାୟିତ୍ୱ ଭୁଲିଯାଇଛି । ଫଳରେ କମ୍ପାନୀରୁ ବାହାରୁଥିବା ଧୂଳିରେ ଅନେକ ଅଞ୍ଚଳର ଲୋକ ପ୍ରଭାବିତ ହେଉଛନ୍ତି । ସେମାନଙ୍କୁ ସେଠାରୁ ବିସ୍ଥାପିତ କରି ଅନ୍ୟତ୍ର ଥଇଥାନ କରିବା, କମ୍ପାନୀ ଅଧୀନରେ ଚାଲୁଥିବା ମେଡିକାଲର ଅବ୍ୟବସ୍ଥାକୁ ସୁଧାରିବା, ସ୍ଥାନୀୟ ଶିକ୍ଷିତ ଯୁବକଙ୍କୁ ନଯୁକ୍ତି ଭଳି ବିଭିନ୍ନ ଦାବି ନେଇ ଜିଲ୍ଲାପାଳଙ୍କୁ ଲିଖିତ ଆକାରରେ ଜଣାଇଛନ୍ତି ।
ରାୟଗଡରୁ ରଞ୍ଜନ କୁମାର ରଥ, ଇଟିଭି ଭାରତ
