ରାୟଗଡା: ବାଥରୁମ ଝରକାରୁ ଡେଇଁ ମହିଳାଙ୍କ ଆତ୍ମହତ୍ୟା । ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଅଘଟଣ । ଶୁକ୍ରବାର ବିଳମ୍ବିତ ରାତିରେ ତିନି ମହଲାରେ ରହିଥିବା ବାଥରୁମ ଝରକାରୁ ଡେଇଁ ଜଣେ 28 ବର୍ଷୀୟ ମହିଳା ରୋଗୀ ଆତ୍ମହତ୍ୟା କରିଛନ୍ତି । ମୃତକ ଜଣକ ରଜନୀ ମେଲେକା । ସେ ତୁମ୍ବିଗୁଡା ବାସିନ୍ଦା ବୋଲି ଜଣାପଡ଼ିଛି ।
ସୂଚନା ଅନୁଯାୟୀ, ରଜନୀ ଗତ 7 ତାରିଖରେ ଜ୍ବର କାରଣରୁ ମେଡିକାଲରେ ଭର୍ତ୍ତି ହୋଇ ଚିକିତ୍ସା ହେଉଥିଲେ । ହଠାତ୍ ଶୁକ୍ରବାର ବାଥରୁମ ଯାଇ ସେ ଫେରିନଥିଲେ । ଏଣୁ ତାଙ୍କୁ ବହୁ ଖୋଜା ଖୋଜି କରାଯାଇଥିଲା । ପରେ ରକ୍ତାକ୍ତ ଅବସ୍ଥାରେ ମେଡିକାଲ ବିଲ୍ଡିଂ ତଳେ ତାଙ୍କୁ ପଡିଥିବା ଦେଖି ପୋଲିସକୁ ଖବର ଦିଆଯାଇଥିଲା ।
ପୋଲିସ ପହଞ୍ଚି ମୃତଦେହକୁ ଉଦ୍ଧାର କରିବା ସହ ତଦନ୍ତ ଜାରି ରଖିଛନ୍ତି । ତେବେ ମହିଳା ଜଣଙ୍କ ରୋଗାକ୍ରାନ୍ତ ଯୋଗୁ ମାନସିକ ଚାପରେ ରହି ଆତ୍ମହତ୍ୟା କରିଥିବା ପ୍ରକାଶ କରିଛନ୍ତି ରାୟଗଡା ଥାନା ଅଧିକାରୀ ରଶ୍ମି ରଞ୍ଜନ ପ୍ରଧାନ । ଘଟଣା ସ୍ଥଳରେ ସାଇଣ୍ଟିଫିକ ଦଳ ପହଞ୍ଚି ତଦନ୍ତ ଚଳାଇଥିବା ବେଳେ ବହୁ ରୋଗରେ ମହିଳା ଜଣଙ୍କ ଆକ୍ରାନ୍ତ ରହିଥିବା କହିଛନ୍ତି ADMO ବରଦା ମିଶ୍ର ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
