ରାୟଗଡା: ଆଗକୁ ଗଣତନ୍ତ୍ର ମହାପର୍ବ ନିର୍ବାଚନ। ସେଥିପାଇଁ ଜୋରଦାର ଚାଲିଛି ପ୍ରସ୍ତୁତି ପର୍ବ । ସେ ନେତା ହୁଅନ୍ତୁ ଅବା ପ୍ରଶାସନ। ଭୋଟରଙ୍କ ମନ ଜିଣିବାକୁ ନେତା ଲାଗି ପଡିଥିବା ବେଳେ ନିର୍ବାଚନକୁ ସ୍ବଚ୍ଛ କରିବା ପାଇଁ ଲାଗି ପଡିଛି ପ୍ରଶାସନ । ଚଳିତ ଥର ନିର୍ବାଚନ କିପରି ହେବ ସ୍ବଚ୍ଛ ? ଘୋଡା ବ୍ୟାପାର ଠାରୁ ଦୂରେଇ ରଖି କିପରି ସ୍ବଚ୍ଛ ନିର୍ବାଚନ ହୋଇ ପାରିବ ଜିଲ୍ଲା ପ୍ରଶାସନ ମଧ୍ୟ ଆପ୍ରାଣ ଚେଷ୍ଟା ଜାରି ରଖିଛି । ତେବେ ଜିଲ୍ଲା ପ୍ରଶାସନ କିପରି ପ୍ରସ୍ତୁତି ଜାରି ରଖିଛି । ତାହା ଜାଣିବା ପାଇଁ ଫ୍ଲାଇଙ୍ଗ ସ୍କ୍ୱାର୍ଡର ଅଧିକାରୀଙ୍କ ସହ ଆଲୋଚନା କରିଥିଲେ ଆମ ରାୟଗଡା ପ୍ରତିନିଧି ।
ତେବେ କୌଣସି ଭୋଟରକୁ ଅର୍ଥ କିମ୍ବା ମଦ ଦ୍ବାରା ପ୍ରଭାବିତ କରା ନଯାଏ । ସେଥିପାଇଁ ଚାଲିଛି ଜୋରଦାର ତନଖି । ରାସ୍ତାଘାଟ, ଛକ ବଜାର, ଗଳିକନ୍ଦିରେ ଚେକିଂ କରାଯାଉଛି । ଏପରିକି ସହରକୁ ସିଲ୍ କରି ମଧ୍ୟ ଚେକିଂ କରାଯାଉଛି । ବିଶେଷ କରି ଗାଡିରେ ନିଆଯାଉଥିବା ଟଙ୍କା ଓ ମଦକୁ ଯାଞ୍ଚ କରାଯାଉଛି ।
ନିର୍ବାଚନକୁ ସ୍ବଚ୍ଛ କରିବା ପାଇଁ ରାୟଗଡାରେ ନିର୍ବାଚନ ମଣ୍ଡଳ ପାଇଁ 3ଟି ଫ୍ଲାଇଙ୍ଗ ସ୍କ୍ୱାର୍ଡ ଓ 3ଟି ଷ୍ଟାଟିଙ୍ଗ୍ ସରଭେଲେନ୍ସ ଗଢାଯାଇଛି । ଯେଉଁ ଟିମରେ ପୋଲିସ ସହ କିଛି ଅଧିକାରୀ ଅଛନ୍ତି । ଜିଲ୍ଲାକୁ ଯେଉଁ ଗାଡି ଗୁଡିକ ପ୍ରବେଶ କରୁଛି ସେହି ଗାଡି ଗୁଡିକୁ ତନଖି କରାଯାଉଥିବା ଫ୍ଲାଇଙ୍ଗ୍ ସ୍କ୍ୱାର୍ଡର ଟିମ୍ର ଅଧିକାରୀ କହିଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
