ରାୟଗଡା: ଜିଲ୍ଲା ଗୁଣୁପୁର ବ୍ଲକ ଅନ୍ତର୍ଗତ ରୂପାପଦର ଗାଁ ନିକଟରେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୃତକ ଜଣକ ହେଲେ ଚାଲକମ୍ବାର ଗଦାଧର ସେନାପତି ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁଯାୟୀ ବୁଧବାର ସକାଳ ସମୟରେ ଗାଁରେ ହାତୀକୁ ଘଉଡାଇବା ସମୟରେ ଯୁବକ ଗଦାଧରଙ୍କୁ ଅତର୍କିତ ଭାବରେ ଆକ୍ରମଣ କରି ଦଳି ଦେଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ଗୁଣୁପୁର ମେଡିକାଲକୁ ପଠାଇ ଦେଇଛି ।
ଯୁବକଙ୍କୁ ଦଳି ଦେଲା ଦନ୍ତା
ମୃତ ଗଦାଧରଙ୍କ ନିଜ ଘର ଗୁଣୁପୁର ବୋଲି ଜଣାପଡ଼ିଛି । ସେ କିଛି ବର୍ଷ ଧରି ଚାଲକମ୍ବା ଅଞ୍ଚଳରେ ଛଟ ଦୋକାନଟିଏ କରିଥିଲେ। ଗତ କିଛିଦିନ ହେବ ସେହି ଅଞ୍ଚଳରେ ଏକ ହାତୀପଲ ଚଳପ୍ରଚଳ କରୁଛନ୍ତି । ଏନେଇ ସ୍ଥାନୀୟ ଅଞ୍ଚଳବାସୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
