ରାୟଗଡା: ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଗୁରୁତର ଆହତ ହୋଇଛନ୍ତି । ରାୟଗଡାର କୋଲନରା ବ୍ଳକ ଅଧିନସ୍ଥ ଭୁଜବଳ ଠାରେ ଘଟିଛି ଏହି ଦୁର୍ଘଟଣା।
ଭିଡିଓ ସୌଜନ୍ୟ:ସମ୍ବାଦଦାତା, ରାୟଗଡା
ସୋମବାର ଚୈତନ ଗୁଆବଂଶ ନାମକ ବ୍ୟକ୍ତି ଭୁଜବଳ ଗାଁରୁ କାମ କରିବା ପାଇଁ ଜେକେ କାଗଜକଳକୁ ଯାଉଥିଲେ । ଏହି ସମୟରେ ଏକ 407 ଗାଡି ତାଙ୍କୁ ପଛପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା।
ସେପଟେ ସେହି ରାସ୍ତା ଦେଇ ଯାଉଥିବା ଜଣେ ପଥଚାରୀ ବିରସିଂହ ନାମକ ବ୍ୟକ୍ତିଙ୍କ ଗୋଡ ଉପରେ ଗାଡିଟି ଚଢ଼ିଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ବିଶାଖାପାଟଣାକୁ ସ୍ଥାନାନ୍ତରିତ କରାଯାଇଛି । ଘଟଣାସ୍ଥଳରେ ଚାନ୍ଦିଲି ପୋଲିସ ପହଞ୍ଚି ଗାଡିକୁ ଜବତ କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ରାୟଗଡା ଜିଲ୍ଲା ମୁଖ୍ୟ ଡାକ୍ତରଖାନାକୁ ପଠାଇଛି।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
