ରାୟଗଡା: ନକ୍ସଲ ଦମନ ପାଇଁ ଗତ କିଛି ବର୍ଷ ଧରି ମୁନିଗୁଡା ଠାରେ ଅବସ୍ଥାପିତ 8th ବାଟାଲିୟନ CRPFର ନୂତନ କାର୍ଯ୍ୟାଳୟ ମୁନିଗୁଡା ଥାନା ଅନ୍ତର୍ଗତ ଝିଲିଗୁଡା ଠାରେ ଆଜି ଉଦଘାଟିତ ହୋଇଯାଇଛି । ମୁଖ୍ୟ ଅତିଥି ଭାବେ ସିଆରପିଏଫ ଡିଆଇଜି ଏସ.ଡି ପାଣ୍ଡେ ଯୋଗ ଦେଇଥିଲେ ।
ଭିଡିଓ ସୌଜନ୍ୟ- ସମ୍ବାଦଦାତା, ରାୟଗଡା
ପ୍ରଥମେ ପୂଜାର୍ଚ୍ଚନା କରିବା ସହ ନୂତନ କାର୍ଯ୍ୟାଳୟକୁ ଉଦଘାଟନ କରିଥିଲେ ଏସ.ଡି ପାଣ୍ଡେ । ଏହି ଅବସରରେ 8th ବାଟାଲିୟନ କମାଣ୍ଡାଣ୍ଟ ଏନ.କେ ସିଂ ଓ 4ର୍ଥ ବାଟାଲିୟନ କମାଣ୍ଡାଣ୍ଟ ପ୍ରମୁଖ ଉପସ୍ଥିତ ଥିଲେ । ମୁନିଗୁଡା ଠାରେ ଏହି କ୍ୟାମ୍ପଟି ଦୀର୍ଘ 7 ବର୍ଷରୁ ଊର୍ଦ୍ଧ୍ବ ହେବ ଅସ୍ଥାୟୀ ଭାବେ ଭାଗ ଭାଗ ହୋଇ ରହି କାର୍ଯ୍ୟ କରୁଥିଲେ ।
ତେବେ ଆଜି ଏହି ବାଟାଲିୟନର ନୂତନ କାର୍ଯ୍ୟାଳୟ ଉଦଘାଟନ ଫଳରେ ସମ୍ପୂର୍ଣ୍ଣ ବାଟାଲିୟନ ଗୋଟିଏ ସ୍ଥାନରେ ରହି କାର୍ଯ୍ୟ କରିପାରିବ ବୋଲି ଡିଆଇଜି ନିଜ ପ୍ରତିକ୍ରିୟାରେ ପ୍ରକାଶ କରିଛନନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
