ରାୟଗଡା: ପ୍ରବାସୀ ଶ୍ରମିକଙ୍କୁ ନେଇ ପହଞ୍ଚିଲା ସ୍ବତନ୍ତ୍ର ଶ୍ରମିକ ଟ୍ରେନ । ଆଜି(ରବିବାର) କେରଳର ଆପିପୁଜ୍ରୁରୁ ଏକ ଶ୍ରମିକ ସ୍ବତନ୍ତ୍ର ଟ୍ରେନ ରାୟଗଡା, ନବରଙ୍ଗପୁର, କନ୍ଧମାଳ, କଳାହାଣ୍ଡି, କୋରାପୁଟ, ଗଜପତି, ଗଞ୍ଜାମ ପ୍ରଭୃତି 7ଟି ଜିଲ୍ଲାର ୧୦୭୪ ଜଣ ପ୍ରବାସୀ ଶ୍ରମିକଙ୍କୁ ନେଇ ରାୟଗଡାରେ ପହଞ୍ଚିଛି ।
ଟ୍ରେନ ପହଞ୍ଚିବା ପରେ ଶ୍ରମିକମାନଙ୍କ ପ୍ରଥମେ ନାମ ପଞ୍ଜୀକରଣ କରାଯାଇଥିଲା । ଏହାପରେ ସେମାନଙ୍କ ଥର୍ମାଲ ଟେଷ୍ଟ କରାଯାଇ ଖାଦ୍ୟପେୟ ଓ ବିଶ୍ରାମର ବ୍ୟବସ୍ଥା କରାଯାଇଛି । ରାୟଗଡା ଜିଲ୍ଲାପାଳ ପ୍ରମୋଦ କୁମାର ବେହେରାଙ୍କ ସମେତ ଜିଲ୍ଲାର ବରିଷ୍ଠ ଅଧିକାରୀ ମାନେ ରେଳ ଷ୍ଟେସନରେ ପହଞ୍ଚି ପ୍ରବାସୀ ଶ୍ରମିକଙ୍କୁ ସ୍ବାଗତ କରିଥିଲେ ।
ଏହାପରେ ସ୍ବତନ୍ତ୍ର ବସ ଯୋଗେଁ ବିଭିନ୍ନ ଜିଲ୍ଲାର ଶ୍ରମିକମାନଙ୍କୁ ସେମାନଙ୍କ ଜିଲ୍ଲାକୁ ପଠାଯିବାର ବନ୍ଦୋବସ୍ତ କରାଯାଇଛି । କୋରୋନା ସଂକ୍ରମଣ ଆଶଙ୍କାରେ ରାୟଗଡା ରେଳଷ୍ଟେସନ ସମେତ ଏହାର ଆଖପାଖ ଅଞ୍ଚଳରେ ୧୪୪ ଜାରି କରାଯାଇଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
