ରାୟଗଡା: ରାଜ୍ୟ ବାହାରକୁ ଚଲାଣ ହେଉଥିଲା ଗଞ୍ଜେଇ ଚୋରା ଚାଲାଣ । ତିନି ଶହ କେଜି ଗଞ୍ଜେଇ ଜବତ ସହ ଜଣଙ୍କୁ ଗିରଫ କଲା ପୋଲିସ । ପଦ୍ମପୁର ଥାନା ଅଞ୍ଚଳରୁ ଏହି ସବୁ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ପୋଲିସ ଜବତ କରିଥିଲା । ଯାହାର ଆନୁମାନିକ ମୂଲ୍ୟ ୧୫ ଲକ୍ଷରୁ ଊର୍ଦ୍ଧ୍ବ ହେବ ବୋଲି କୁହାଯାଉଛି । ଗିରଫ ବ୍ୟକ୍ତି ଜଣଙ୍କ ହେଉଛନ୍ତି କାହ୍ନୁ ସାହୁ ।
ସୂଚନା ଅନୁଯାୟୀ ଗତକାଲି ସକାଳ ସମୟରେ ପଦ୍ମପୁର ପୋଲିସ ପାଟ୍ରୋଲିଂ କରୁଥିବା ସମୟରେ କେନ୍ଦୁଗୁଡା ଠାରୁ ବ୍ରହ୍ମପୁର ଯାଉଥିବା ଏକ ପିକଅପ ଭ୍ୟାନକୁ ନୂଆଗଡ ଗ୍ରାମ ପଞ୍ଚାୟତ ଡକରମା ଗ୍ରାମ ନିକଟରେ ଚଢାଉ କରିଥିଲା । ଏହା ପରେ ଭ୍ୟାନ ଗଞ୍ଜେଇ ଜବତ ସହ ଜଣେ ବ୍ୟକ୍ତିକୁ ପୋଲିସ ଗିରଫ କରିଥିଲା । ଗିରଫ ବ୍ୟକ୍ତିଙ୍କ ଠାରୁ ଗୋଟିଏ ମୋବାଇଲ ଫୋନ, ଏଟିଏମ କାର୍ଡ, ଆଧାର କାର୍ଡ,ଡିଏଲ, ଆରସି ବୁକ ପୋଲିସ ଜବତ କରିଛି । ବ୍ୟକ୍ତିଙ୍କ ବିରୋଧରେ ପଦ୍ମପୁର ଥାନାରେ ଏକ ମାମଲା ରୁଜୁ କରାଯାଇ ଗୁଣୁପୁର କୋର୍ଟକୁ ଚାଲାଣ କରାଯାଇଥିବା ପଦ୍ମପୁର ଥାନା ଅଧିକାରୀ ସୁଶାନ୍ତ କୁମାର ତାଉଡିଆ ଏସ.ଆଇ ଅରୁଣ କୁମାର ପାତ୍ର ଓ କେନ୍ଦୁଗୁଡା ଥାନା ଅଧିକାରୀ କିଶୋର ଚନ୍ଦ୍ର ବେହେରା ସୂଚନା ଦେଇଛନ୍ତି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
