ରାୟଗଡା: ଇଞ୍ଜିନରେ ଯାନ୍ତ୍ରିକ ତ୍ରୁଟି ନେଇ ଅଟକିଲା ହୀରାଖଣ୍ଡ ଏକ୍ସପ୍ରେସ । ଶନିବାର ଦୀର୍ଘ 5 ଘଣ୍ଟା କାଳ ରାୟଗଡ଼ା ଜିଲ୍ଲା ଭାଲୁମାସ୍କା ଷ୍ଟେସନରେ ଅଟକି ରହିଲା ଭୁବନେଶ୍ବର-ଜଗଦଲପୁର ହୀରାଖଣ୍ଡ ଏକ୍ସପ୍ରେସ । ଯାହାଦ୍ବାରା ଯାତ୍ରୀମାନେ ହନ୍ତସନ୍ତ ହୋଇଥିବାର ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ସୂଚନା ଅନୁଯାୟୀ, ଶନିବାର ସକାଳ ୬ ଟା ସମୟରେ ଭାଲୁମାସ୍କା ଷ୍ଟେସନ ଠାରୁ ୪ କିମି ଦୂରରେ ଥିବା ୨୫ ନମ୍ବର ଟନେଲ ଭିତରେ ହଠାତ୍ ହୀରାଖଣ୍ଡ ଏକ୍ସପ୍ରେସର ଇଞ୍ଜିନରେ ବିଦ୍ୟୁତ୍ ବିଚ୍ଛିନ୍ନ ହୋଇଗଲା । ଫଳରେ ପ୍ରାୟ 5 ଘଣ୍ଟା ଧରି ଟନେଲ୍ ଭିତରେ ଅଟକି ରହିଥିଲା ଟ୍ରେନ । ଯାହାଦ୍ବାରା ଯାତ୍ରୀ ଖାଦ୍ୟ ପଦାର୍ଥ ନପାଇ ଭୋକରେ ହନ୍ତସନ୍ତ ହେବାର ଦେଖିବାକୁ ମିଳିଥିଲା ।
ତେବେ ରାୟଗଡ଼ାରୁ ଅନ୍ୟ ଏକ ଇଞ୍ଜିନ ଆସି ଏକ୍ସପ୍ରେସରେ ଲାଗିବା ପରେ 10.30 ସମୟରେ ଟ୍ରେନଟି ଗଡିଥିଲା । ତେବେ ଏସଂପର୍କରେ କାହାର ପ୍ରତିକ୍ରିୟା ମିଳିପାରିନାହିଁ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
