ରାୟଗଡା: ଏକ ପରିତ୍ୟକ୍ତ ଘର କୁଅରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର । ହତ୍ୟା କି ଆତ୍ମହତ୍ୟା ସନ୍ଦେହ । ଘଟଣାସ୍ଥଳରେ ପୋଲିସର ତଦନ୍ତ ଜାରି ।
ସୂଚନା ଅନୁଯାୟୀ ଆଜି(ଶୁକ୍ରବାର) ରାୟଗଡା ଜିଲ୍ଲା ମୁନିଗୁଡା ଦୁବେ କଲୋନୀ ପ୍ରଥମ ଲେନ ସ୍ଥିତ ଏକ ପରିତ୍ୟକ୍ତ ଘରର ବାଡିରେ ଥିବା ଏକ କୁଅ ଭିତରୁ ଝୁଲନ୍ତା ଅବସ୍ଥାରେ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି ମୁନିଗୁଡା ପୋଲିସ । ମୃତ ଜୁବକ ଜଣକ ମୁନିଗୁଡା ଖମଣସାହିର ପ୍ରକାଶ ସାହା ବୋଲି ଜଣାପଡିଛି । ପ୍ରକାଶ ସନ୍ଧ୍ୟାରେ ଘରକୁ ଫେରିନଥିବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ । କିନ୍ତୁ କୌଣସି ଖବର ପାଇନଥିଲେ । ଶେଷରେ ଆଜି ମୃତଦେହ ଉଦ୍ଧାର ହୋଇଛି ।
ମୃତଦେହଟି ଝୁଲନ୍ତା ଅବସ୍ଥାରେ ଥିବାରୁ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି । କେହି ତାଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦେବାକୁ ଏପରି କରିଥିବା ସେମାନେ ଅଭିଯୋଗ କରିଛନ୍ତି । ଅନ୍ୟପଟେ ଅଗ୍ନିଶମ ବାହିନୀ ପହଞ୍ଚି ମୃତଦେହକୁ ଜବତ କରି ଥିବାବେଳେ ଘଟଣାସ୍ଥଳରେ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
