ରାୟଗଡା:ପୁଣି ପୋଲିସ ଜାଲରେ ଗଞ୍ଜେଇ ମାଫିଆ । ବିଷମକଟକ ପୋଲିସ ଦ୍ବାରା ମଙ୍ଗଳବାର ଗଞ୍ଜେଇ ଚାଲାଣ ବେଳେ 76 କେଜି 585 ଗ୍ରାମ ଗଞ୍ଜେଇ ଜବତ ହୋଇଛି । ଏହାର ଆନୁମାନିକ ମୂଲ୍ୟ 5 ଲକ୍ଷ ହୋଇଥିବା ବେଳେ ଏଥିସହ ଏକ ମୂଲ୍ୟବାନ ଚେଭ୍ରୋଲେଟ କାର , 3 ଟି ମୋବାଇଲ ଓ ନଗଦ 18000 ଟଙ୍କା ସହ ତିନି ଜଣ ଗଞ୍ଜେଇ ମାଫିଆଙ୍କୁ ଗିରଫ କରିବାରେ ସଫଳ ହୋଇଛି ବିଷମକଟକ ପୋଲିସ ।
ପୁଣି ପୋଲିସ ଜାଲରେ ଗଞ୍ଜେଇ ମାଫିଆ
ଗତ ମାସରେ ମୁନିଗୁଡା ପୋଲିସ ଦ୍ବାରା ବିପୁଳ ଗଞ୍ଜେଇ ଜବତ ହୋଇ ଥିବାବେଳେ, ମଙ୍ଗଳବାର ବିଷମକଟକ ପୋଲିସ ଦ୍ଵାରା ଗଞ୍ଜେଇ ଚାଲାଣ ବେଳେ ଧରା ପଡିଛନ୍ତି ଗଞ୍ଜେଇ ସହ ମାଫିଆ ।
ଏହି ଗଞ୍ଜେଇ ଚାଲାଣ ରାୟଗଡା ଜିଲା ପଦ୍ମପୁର ଥାନା ନତରଗତ ନାରାୟଣପୁର ଅଞ୍ଚଳରୁ ଉତ୍ତରପ୍ରଦେଶକୁ ଚାଲାଣ ହେଉଥିବା ବେଳେ ବିଷମକଟକ ପୋଲିସ ରତାଟିକିରି ଛକ କରତିକୁ ଅଟକାଇ ତଲାସି କରିଥିଲେ । ଏଥିରେ ଗଞ୍ଜେଇ ବାସ୍ନା ଆସିବାପରେ ପୋଲିସ କାର ସହ ଗଞ୍ଜେଇ ଜବତ କରିଥିବା ଜଣାପଡିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
